Friday, November 29, 2013

ម្ចាស់​ជំនួយ៖ មន្ត្រី​ពុករលួយ​ត្រូវ​តែ​ស៊ើប​និង​នាំ​មក​កាត់​ទោស


យុទ្ធ​នាការ​ចែក​មុង​ជ្រលក់​ថ្នាំ​​ក្នុង​ទិ​វា​​ជាតិ​ប្រយុទ្ធនឹងជំងឺគ្រុន​ចាញ់​

ឆ្នាំ​នេះ។ ​ រូប​ថត ភ្នំពេញប៉ុស្តិ៍​
KEVIN PONNIAH ភ្នំពេញប៉ុស្តិ៍ 29 NOVEMBER 2013

ភ្នំពេញៈ ម្ចាស់​ជំនួយ​បរទេស​សំខាន់ៗ​ដែល​ផ្តល់​ជំនួយ​សម្រាប់​កម្ពុជា​បាន​ថ្លែង​ថា មន្រ្តី​រដ្ឋាភិបាល​ដែល​ពាក់​ព័ន្ធ​នឹង​ការ​ស៊ើប​អង្កេត​ផ្ទៃ​ក្នុង​របស់​អង្គការ​មូលនិធិ​ពិភពលោក ដែល​រក​ឃើញ​ថា​មាន​អំពើ​ពុករលួយ​ក្នុង​ក្រសួង សុខាភិបាល នោះ ត្រូវ​តែ​ធ្វើ​ការ​ស៊ើប​អង្កេត​និង​នាំ​មក​កាត់​ទោស។

ប៉ុន្តែ បើ​ទោះ​ត្រូវ​បាន​រក​ឃើញ​ក្នុង​ការ​ស៊ើប​អង្កេត​រយៈ​ពេល​ជាង ២ឆ្នាំ ដែល​បង្ហាញ​នូវ​ប្រព័ន្ធ​ស៊ី​សំណូក និង​ការ​ឧបត្ថម្ភ​ពី​អ្នក​ផ្គត់​ផ្គង់​មុង​ជ្រលក់​ថ្នាំ​ជា​ថ្នូរ​នឹង កិច្ចសន្យា​ក៏​ដោយ ក៏​សហគមន៍​ម្ចាស់​ជំនួយ​ហាក់​មិន​រឹត​បន្តឹង​លក្ខខណ្ឌ​ផ្តល់​ជំនួយ​ទេ។

ក្នុង​សេចក្តី​ថ្លែង​ជាច្រើន​ដែល​ឆ្លើយ​តប​នឹង ភ្នំពេញ ប៉ុស្តិ៍ ប្រតិភូ​សហគមន៍​អឺរ៉ុប ស្ថានទូត ស៊ុយអែត អាល្លឺម៉ង់ និង អង់គ្លេស គាំទ្រ​ជំហរ​រឹង​មាំ​របស់​អង្គការ​មូលនិធិ​ពិភពលោក​ប្រឆាំង​នឹង​អំពើ​ពុករលួយ ប៉ុន្តែ​មិន​បញ្ជាក់​ថា តើ​វិធី​ត្រួត​ពិនិត្យ​សម្រាប់​ការ​ផ្តល់​ជំនួយ​អភិវឌ្ឍន៍​ដល់​កម្ពុជា ត្រូវ​ពង្រឹង​ឬ​យ៉ាង​ណា​ទេ ចាប់​តាំង​ពី​លេច​ការ​រក​ឃើញ​នេះ។
ពួក​គេ​និយាយ​ថា៖ «ទឹក​ប្រាក់​ដែល​ប្រើ​ខុស​ឆ្គង​ត្រូវ​តែ​ទារ​យក​មក​វិញ​ឲ្យ​បាន បុគ្គល​នោះ​ត្រូវ​នាំ​ទៅ​កាត់​ទោស​ហើយ​ក្រុមហ៊ុន​ផ្គត់​ផ្គង់​ត្រូវ​ទទួល​ទណ្ឌកម្ម ប្រសិន​បើ​រក​ឃើញ​ថា បាន​រំលោភ​ក្រម​សីលធម៌​ដ៏​តឹង​រ៉ឹង​របស់​អង្គការ​មូលនិធិ​ពិភពលោក»។

អង្គភាព​ប្រឆាំង​អំពើ​ពុករលួយ ថ្លែង​ថា ខ្លួន​បាន​ស៊ើប​អង្កេត​លើ​ការ​រក​ឃើញ​ក្នុង​របាយ​ការណ៍ ប៉ុន្តែ មិន​ទាន់​កំណត់​បាន​ថា តើ​អតីត​មន្ត្រី​មជ្ឈមណ្ឌល​ជាតិ​ប្រយុទ្ធ​នឹង​ជំងឺ​គ្រុនចាញ់ មជ្ឈមណ្ឌល​ជាតិ​ប្រឆាំង​ជំងឺ​អេដស៍ ជំងឺ​សើ​ស្បែក និង​កាមរោគ និង MEDiCAM មាន​ពិរុទ្ធ​ពី​បទ​ពុករលួយ​ឬ​យ៉ាង​ណា​ទេ?

លោក John Simmons អ្នក​នាំ​ពាក្យ​ស្ថានទូត អាមេរិក បាន​ថ្លែង​ថា រដ្ឋាភិបាល​សហរដ្ឋ អាមេរិក កំពុង​ឃ្លាំ​មើល​អង្គភាព​ប្រឆាំង​អំពើ​ពុករលួយ។

លោក​បន្ថែម​ថា៖ «យើង​នឹង​បន្ត​លើក​ទឹក​ចិត្ត​អង្គភាព​ធ្វើ​ការ​ស៊ើប​អង្កេត​ឲ្យ​បាន​ពេញ​លេញ និង​មាន​តម្លាភាព»។ លោក​មាន​ប្រសាសន៍​ថា៖ «រដ្ឋាភិបាល​អាមេរិក ប្រុង​ប្រយ័ត្ន​ណាស់​លើ​ការ​ប្រើ​ប្រាស់​មូលនិធិ ជំនួយ​អភិវឌ្ឍន៍​ដែល​ខុស​ឆ្គង​ទោះ​ជា​ប្រទេស​ណា​ក៏​ដោយ ហើយ កម្មវិធី​ជំនួយ​ភាគ​ច្រើន​នៅ​កម្ពុជា ត្រូវ​បាន​ដាក់​ឲ្យ​អនុវត្ត​ដោយ​សង្គម​ស៊ីវិល និង​វិស័យ​ឯកជន»។

អាល្លឺម៉ង់ ដែល​ជា​ម្ចាស់​ជំនួយ​ទ្វេ​ភាគី​ធំ ទី៣ របស់​មូលនិធិ​ពិភពលោក​ព្រមាន​ថា៖ «ទំនុក​ចិត្ត​របស់​ម្ចាស់​ជំនួយ និង​ការ​ជំរុញ​ផ្អែក​លើ​កិច្ច​សហ​ប្រតិបត្តិការ​ដែល​គ្មាន​អំពើ​ពុករលួយ​និង​ការ​ក្លែង​បន្លំ»។

លោក Joachim Baron vonMarschall ឯក​អគ្គ​រដ្ឋទូត អាល្លឺម៉ង់ បាន​ថ្លែង​ថា៖ «ការ​សម្រេច​របស់​រាជ​រដ្ឋាភិបាល​កម្ពុជា ក្នុង​ការ​ចាត់​ការ​លើ​ករណី​នេះ​នឹង​ជា​សញ្ញា​សំខាន់​មួយ​សម្រាប់​សហគមន៍​អន្តរជាតិ»។

លោក Nicolas Baudouin លេខា ទី១ របស់​ស្ថានទូត បារាំង ថ្លែង​ដែរ​ថា មូលនិធិ​ពិភពលោក​មាន​ការ​ទទួល​ខុស​ត្រូវ​ធានា​ថា អាជ្ញាធរ​មូលដ្ឋាន​ស៊ើប​អង្កេត ហើយ​បារាំង​នឹង​បន្ត «តាម​ដាន​ស្ថានការណ៍​យ៉ាង​ហ្មត់​ចត់»។

ម្ចាស់​ជំនួយ​បរទេស​ទាំង​អស់​ដែល​ឆ្លើយ​តប​នឹង ភ្នំពេញ ប៉ុស្តិ៍ សន្យា​ថា បន្ត​ជួយ​គាំទ្រ​មូលនិធិ​ពិភពលោក ហើយ​កោត​សរសើរ​លើ​កិច្ច​ប្រឹង​ប្រែង​ពង្រឹង​ការ​ត្រួត​ពិនិត្យ​ហិរញ្ញវត្ថុ​របស់​ខ្លួន។

ចាប់​ពី​លទ្ធផល​ស៊ើប​អង្កេត​បឋម​បាន​ប្រកាស​ពី​ខែ កក្កដា ឆ្នាំ​មុន មូលនិធិ​បាន​ដាក់​ជំនួយ​សម្រាប់​មជ្ឈមណ្ឌល​ជាតិ​ប្រយុទ្ធ​នឹង​ជំងឺ គ្រុនចាញ់ ជា​ការងារ​ចម្បង និង​តែង​តាំង​ភ្នាក់ងារ​ខាង​ក្រៅ​ឲ្យ​គ្រប់​គ្រង​ការ​ចំណាយ​របស់​មជ្ឈមណ្ឌល​នេះ ហើយ​បាន​តម្រូវ​ឲ្យ​ធ្វើ​លទ្ធកម្ម​រួម​គ្នា​លើ​ផលិតផល​សុខភាព​ទាំង​អស់​នៅ​ប្រទេស​កម្ពុជា។

ធនាគារ​អភិវឌ្ឍន៍​អាស៊ី​បច្ចុប្បន្ន​ជា​ម្ចាស់​ជំនួយ​នាំ​មុខ​របស់​កម្ពុជា បាន​រំពឹង​ថា​នឹង​ផ្តល់​កម្ចី​និង​ជំនួយ​ជាង ៥០០ លាន​ដុល្លារ​អាមេរិក​ទៀត​ដល់​កម្ពុជា​ក្នុង​ឆ្នាំ ២០១៣ ដល់​២០១៥។ លោក Eric Sidgwick នាយក​ប្រចាំ​ប្រទេស​ថ្លែង​ថា៖ «ធនាគារ​អភិវឌ្ឍន៍​អាស៊ី​នឹង​អនុវត្ត​វិធានការ​តឹងរ៉ឹង​ដើម្បី​ធានា​ថា​រាល់​មូលនិធិ​ដែល​ធនាគារ​នេះ​ផ្តល់​ត្រូវ​បាន​ប្រើ​ប្រាស់​ចំ​ទិសដៅ»៕ TK

4 comments:

Anonymous said...

ឣាហ៊ុនសែនដាក់ទោសឣ្នកពុករលួយណាដែលមិនមែនជាបក្សគួកវាតែប៉ុណ្ណោះ។

Anonymous said...

ឣាពុករលួយហ៊ុនសែន ដាក់ទោស
ឣ្នកពុករលួយណាដែលមិនមែនជាបក្សគួកវាតែប៉ុណ្ណោះ។

Anonymous said...

It's right,the first person corruption is Hun Sen. If Hun Sen don't open the green light to the high rank,they don't dare. And some part of money from corruption they have to share to Hun Sen.

Anonymous said...

That's correct. The big amount of foreign donation monies have been stolen by the top rank government officials. They share in amongst of the CPP. So, the corruption in Cambodia is not easy to get rid of even there is a serious investigation conducting by the donors or whatever unless there is a complete change of this government. Nothing else can eliminate the corruption in Cambodia.