Saturday, November 30, 2013

ព្រះសង្ឃ និងពលរដ្ឋច្រើនពាន់នាក់ ដើរហែក្បួន សាទរទិវាសិទ្ធិមនុស្សអន្តរជាតិ ថ្ងៃ១០ធ្នូ


ថ្ងៃទី 30 វិច្ឆិកា 201 | ដោយ: លី សិលា CEN

ភ្នំពេញ: ដើម្បី​ប្រារព្ធ និង​សាទរ​ទិវា​សិទ្ធិមនុស្ស​អន្តរជាតិ ថ្ងៃ​១០​ធ្នូ នៅ​ឆ្នាំ​នេះ ព្រះសង្ឃ សកម្មជន​ដីធ្លី និង​សកម្មជន​សិទ្ធិមនុស្ស បានប្រកាស​រៀបចំ​ក្បួន​ដង្ហែ​ធម្មយា​ត្រា និង​សិទ្ធិ​យាត្រា ចាប់ពី​ថ្ងៃ​ទី​១ រហូត​ដល់​ថ្ងៃ​ទី​១០ ខែ​ធ្នូ ចេញពី​ភូមិ​ឃុំ តាម​បណ្តា​ខេត្ត​នានា ចូល​មក​កាន់​រាជធានី​ភ្នំពេញ​។​

​សេចក្តីប្រកាស បាន​លើកឡើង​ថា ទិវា​សិទ្ធិមនុស្ស​អន្តរជាតិ លើក​ទី​៦៥ នៅ​ឆ្នាំ​២០១៣ នេះ ប្រារព្ធ​ឡើង​ក្រោម​ប្រធានបទ “​មាន​យុត្តិធម៌ មាន​សន្តិភាព​!”​។

​តាម​សេចក្តីប្រកាស ធម្ម​យាត្រា និង​សិទ្ធិ​យាត្រា ដែល​ចាប់ផ្តើម​ពី​ថ្ងៃ​ទី​១ ដល់​ថ្ងៃ​ទី​១០​ធ្នូ មាន​កម្មវិធី ធម្ម​ទេសនា ស្តីពី ព្រះពុទ្ធសាសនា និង​សិទ្ធិមនុស្ស ព្រមទាំង​មាន​សំណួរ​-​ចម្លើយ ស្តីពី សិទ្ធិមនុស្ស ល្បង​ប្រាជ្ញា និង​សូត្រ​កំណាព្យ​ផ្សេងៗ​។


​សេចក្តីប្រកាស​បន្ត​ថា ក្បួន​ដង្ហែ​ធម្ម​យាត្រា និង​សិទ្ធិ​យាត្រា ដើម្បី​សាទរ​ទិវា​សិទ្ធិមនុស្ស​អន្តរជាតិ ថ្ងៃ​១០​ធ្នូ ត្រូវ​ចេញដំណើរ​ពី​ភូមិ ឃុំ ស្រុក ខេត្ត ក្រុង ដោយ​ធ្វើដំណើរ​តាម​ផ្លូវជាតិ ចំនួន ៥ រហូត​ដល់​ខាង​មុខ​វិមាន​រដ្ឋ​សភា នៅ​រាជធានី​ភ្នំពេញ រួមមាន​៖

-​ផ្លូវជាតិ​លេខ​១ ចាប់ផ្តើម​ចេញ​ពី​ទីរួមស្រុក​ច​ន  ខេត្ត​ស្វាយរៀង​
-​ផ្លូវជាតិ​លេខ​៣ ចាប់ផ្តើម​ចេញពី​ក្រុង​កំពត ខេត្ត​កំពត​
-​ផ្លូវជាតិ​លេខ​៤ ចាប់ផ្តើម​ពី​ឃុំ​អម​លាំ​ង ស្រុក​ថ្ពង ខេត្ត​កំពង់ស្ពឺ​
-​ផ្លូវជាតិ​លេខ​៥ ចាប់ផ្តើម​ចេញពី​ក្រុង​ពោធិ៍សាត់ ខេត្ត​ពោធិ៍សាត់
-​ផ្លូវជាតិ​លេខ​៦ ចាប់ផ្តើម​ចេញពី​ក្រុង​កំពង់ធំ ខេត្ត​កំពង់ធំ​

​សេចក្តីប្រកាស​បន្ត​ថា ព្រះសង្ឃ ប្រជាពលរដ្ឋ និង​សកម្មជន​សិទ្ធិមនុស្ស ដែល​នឹង​ចូលរួម​ប្រារព្ធ​ខួប​លើក​ទី​៦៥ នៃ​ទិវា​សិទ្ធិមនុស្ស​អន្តរជាតិ ចាប់ពី​ថ្ងៃ​ទី​១ ដល់​ថ្ងៃ​ទី​១០​ធ្នូ រួមមាន​៖ បណ្តាញ​ព្រះសង្ឃ​ឯករាជ្យ ដើម្បី​យុត្តិធម៌​សង្គម សហគមន៍ សមាគម បណ្តាញ សហព័ន្ធ សហជីព និង​អង្គការ​សង្គម​ស៊ីវិល​ជា​ច្រើន​ផ្សេងទៀត​។ ក្បួន​ដង្ហែ​ធម្ម​យាត្រា​-​សិទ្ធិ​យាត្រា រយៈពេល ១០ ថ្ងៃនេះ ដើម្បី​ផ្សព្វផ្សាយ​អប់រំ អំពី សិទ្ធិមនុស្ស​។​

​សេចក្តីប្រកាស ក៏បាន​លើកឡើង​ថា ការ​ដង្ហែ​ក្បួន​សិទ្ធិមនុស្ស មក​កាន់​រដ្ឋសភា ជា​ព្រឹត្តិការណ៍​ចុងក្រោយ នៃ​ក្បួន​ដង្ហែ ដែល​ត្រូវបាន​រៀបចំឡើង ដើម្បី​បង្ហាញ​មូលបទ នៃ​ទិវា​សិទ្ធិមនុស្ស ថ្ងៃ​១០​ធ្នូ នា​ឆ្នាំ​នេះ "​មាន​យុត្តិធម៌ មាន​សន្តិភាព​!"​។ អ្នក​រៀបចំ​កម្មវិធី គ្រោង​បង្ហាញ​សារ ទៅកាន់​តំណាងរាស្ត្រ​ជាប់ឆ្នោត អំពី​ស្ថានភាព​សិទ្ធិមនុស្ស ជា​កិច្ចបញ្ចប់ ពិធីបុណ្យ​សិទ្ធិមនុស្ស នៅមុខ​វិមាន​រដ្ឋ​សភា ក្នុង​រាជធានី​ភ្នំពេញ​។​

​ព្រះ​តេជគុណ ប៊ុត ប៊ុនតិញ ប្រធាន​បណ្តាញ​ព្រះសង្ឃ​ឯករាជ្យ ដើម្បី​យុត្តិធម៌​សង្គម មាន​សង្ឃដីកា​ថា "​អាត្មា យល់ឃើញថា ទិវា​បុណ្យ​សិទ្ធិមនុស្ស​អន្តរជាតិ ជា​ព្រឹត្តិការណ៍​ឆ្ពោះទៅ​រក​មាគ៌ា​សន្តិភាព និង​យុតិ្ត​ធម៌ សម្រាប់​មនុស្ស​លោក​គ្រប់រូប​ទូ​ទាំង​សកលលោក​។ ព្រះពុទ្ធ​បង្រៀន​មនុស្ស​ឲ្យ​ចេះ​កសាង​សន្តិភាព យើង​ត្រូវតែ​ចេះ​ស្វែង​យុត្តិធម៌​ជា​មុន​សិន តាមរយៈ​ធ្វើ​អំពើ​ល្អ​ជាមួយ​មនុស្ស​គ្រប់​សហគមន៍ នៅ​ទូទាំង​ពិភពលោក​"​។​

​ជា​ការកត់សម្គាល់ ការ​ប្រារព្ធ​ពិធីបុណ្យ​សិទ្ធិមនុស្សអន្តរជាតិ ថ្ងៃ​១០​ធ្នូ លើកទី៦៥ នៅ​ឆ្នាំ​នេះ ត្រូវបាន​ចងភ្ជាប់​ជាមួយនឹង​មូលបទ​តែមួយ "​មាន​យុត្តិធម៌ មាន​សន្តិភាព​!" ហើយ​ស្លាក​សញ្ញា ដែល​មាន​ទង់សាសនា ទង់ជាតិ និង​មាន​ក្រមា​ពណ៌​ខៀវ តំណាង​តួនាទី​ចំបង នៃ​អ្នកការពារ​សិទ្ធិមនុស្ស នៅ​កម្ពុជា​៕​

5 comments:

Anonymous said...

all khmer people need to bring HUN SEN down .if not there is no peace.

Anonymous said...

Khmer love each other,Khmer help each other, Khmer united together around nationalist leaders,Khmer will be strong and can protect Khmer country from invaders.

Anonymous said...

Ah Kwak ach kwek will never voluntary step down because of these mass rallies, which are going to happen as in the report. This could cause little disturbance that he could shake it off and then everything will be back to normal, he is a tough chker's yuon; otherwise Hanoi would roast him like the other street dogs for their delicacy. The only thing that makes him disappeared from the helm is the extermination, just like the process of eliminating all the parasites such as bed bugs, mice, rates , cokcroaches and termites.

Anonymous said...

Our people need freedom back to our own hand,fight against Khmer Vietmink,Vietcong our Contry was sold by Sihanok snce 1960.Please fight for it what ever happen we are out side Country on your side and suport you we belive on monks Bout Boun Tenh he the can lead us on to succes .

phumarinkeo said...

ខ្ញុំព្រះករុណា ខ្ញុំបាទ សូមក្រាបថ្វាយបង្គំព្រះអង្គ
ប៊ុត​ ប៊ុនតិញនិងព្រះថេរានុថេរ:គ្រប់អង្គហើយ
សូមគោរពជនរូមឈាមទាំងពីរប្រភេទ ជាពិសេស
ចំពោះក្មួយៗយុវជនយុវតីជាអនាគតស្នួលជាតិ។
ហើយដែលមានព្រះតំរិះនិងគំនិតរួមគ្នា ធ្វើធម្ម
យាត្រានិងសិទ្ធិយាត្រា ដើម្បី«យុត្តិធ៌ម សិទ្ធិសេរី
ភាពនិងសន្តិភាព» សំរាប់អនាគត់កុលបុត្រខ្មែរ
យើង ជាពិសេសបូរណភាពមាតុភូមិយើង ឲ្យផុត
ពីរគំនិតយូនរូបនីយកម្មយ៍ឬសហព័ន្ធឥណ្ឌូចិន
របស់ហូ​ ជីម៉ិញ។ ជាទីបញ្ចប់សូមបួងសួងដល់វត្ថុ ស័ក្តិសិទ្ធិក្នុងលោកមានព្រះឥន្ទព្រះព្រហ្ម ទេវតា
រក្សាលោក សុំឲ្យលោកជួយឧប្បត្ថម្ភ ទ្រទ្រង់ក្បួន
ធម្មាយាត្រា​និងសិទ្ធិយាត្រានេះឲ្យបានទទួលនូវ
ជ័យជំនះជាស្ថាពរប្រកបដោយកិត្តិយ័ស។ម៉្យាង
ទៀតសូមឲ្យពុទ្ធពរទាំងប្រាំប្រការគឺអាយុ វណ្ណ:
សុខ: ពល:និងបដិភាន: ចូរមានដល់ព្រះថេ
រានុថេរ:គ្រប់អង្គនិងពលរដ្ឋខ្មែរទាំអស់ដែល
បាននិមន្ត អញ្ជើញចូលរូមជាពិសេសព្រះអង្គ
ប៊ុត ប៊ុនតិញ៕