(រូបភាពពី km.wikipedia.org)
ដោយ៖ បូ សាវី និងញឹម សុខន | ថ្ងៃអាទិត្យ ទី10 ខែវិច្ឆិកា ឆ្នាំ2013 | 2 ម៉ោង មុន
ប្រជាពលរដ្ឋមួយចំនួននៅតាមបណ្ដោយព្រំដែនកម្ពុជា-ថៃ
ក្នុងស្រុកត្រពាំងប្រាសាទ ខេត្ដឧត្ដរមានជ័យ អះអាងថា អាជ្ញាធរឃុំ
បានជូនដំណឹងឲ្យពួកគេត្រៀមស្បៀងអាហារ និងជីករណ្ដៅសុវត្ថិភាព
ការពារខ្លួនក្រែងមានផ្ទុះអាវុធ
ក្រោយប្រកាសសាលដីកាសំណុំរឿងប្រាសាទព្រះវិហារ។
វិធានការអាជ្ញាធរខ្មែរ នៅតាមព្រំដែននេះ
ធ្វើឡើងស្របពេលដែលតុលាការយុត្ដិធម៌អន្ដរជាតិ ទីក្រុងឡាអេ ICJ
នឹងប្រកាសសាលដីកាជុំវិញសំណុំរឿងប្រាសាទព្រះវិហារ នៅរសៀលថ្ងៃទី១១
ខែវិច្ឆិការស្អែកនេះ។
ពលរដ្ឋនៅភូមិត្រាំចាន ឃុំព្រះប្រលាយ លោក ឆុំ សារុំ
ឲ្យVODដឹងនៅព្រឹកថ្ងៃអាទិត្យ ទី១០ ខែវិច្ឆិកានេះថា
មេឃុំព្រះប្រឡាយ ស្រុកត្រពាំងប្រាសាទ លោក ប្រាក់ សាម៉ុន
ឲ្យអ្នកភូមិនៅតាមខ្សែបន្ទាត់ព្រំដែនកម្ពុជា-ថៃ
ត្រៀមស្បៀងអាហារបម្រុងទុក សំរាប់ជីវភាព និងជីករណ្ដៅ
ដើម្បីការពារខ្លួនដោយបារម្ភខ្លាចមានការផ្ទុះអាវុធណាមួយ
ដោយយថាហេតុ ៖
"សារមុនមានបញ្ហាប្រាសាទព្រះវិហារយើងម្ដងបានមានការភ្ញាក់ផ្អើល
ហើយឥឡូវប្រជាពលរដ្ឋយើងលែងមានការភ្ញាក់ផ្អើលដូចមុនហើយ នៅហ្នឹងនរ
អត់មានការភ្ញាក់ផ្អើលអីទេ ខ្ញុំមិនទាន់បានត្រៀមអីទេ
យើងរដូវនេះកំពុងច្រូតកាត់ ប្រមូលផល" ។
ពលរដ្ឋម្នាក់ទៀត គឺ លោក ពៅ ម៉ាក់ ឲ្យដឹងថា
លោកព្រួយបារម្ភការប៉ះទង្គិចនេះ
ព្រោះលោកធ្លាប់ជួបព្រឹត្តិការណ៍នេះពេលមុនៗ
នៅពេលភាគីថៃនៅតែបន្តចង់បានប្រាសាទព្រះវិហារខ្មែរធ្វើជារបស់
ខ្លួន។ លោកថា លោកបានត្រៀមលក្ខណៈប្រុងប្រយ័ត្នតាមលទ្ធភាព
ដែលអាចធ្វើទៅបានរួចហើយ ៖ "បារម្ភខ្លាំងដែរ
ប៉ុន្ដែយើងមិនដឹងធ្វើមិច ខ្ញុំបានត្រៀមខ្លះហើយបង
ប៉ុន្ដែយើងមិនដឹងត្រៀមយ៉ាណា បើកំពុងច្រូតកាត់ផង
បញ្ហានៅតែភ័យខ្លាចដែរ ក្រែងលោមានអីទៅពិបាកព្រោះនៅជិតផង"។
មេឃុំព្រះប្រឡាយ លោក ប្រាក់ សាម៉ុន មានប្រសាសន៍ថា
ការប្រាប់ព័ត៌មាននេះ ដល់ពលរដ្ឋនៅតំបន់នោះ
គ្រាន់តែជាការក្រើនរម្លឹក ឲ្យពលរដ្ឋបង្កើនការប្រុងប្រយ័ត្នបន្ថែម
ដើម្បីសុវត្ថិភាបផ្ទាល់ខ្លួន។ ប៉ុន្តែលោថា ប្រជាពលរដ្ឋនៅតំបន់នេះ
ទំនងជាមិនមានការភ័យខ្លាចខ្លាំងទេ
ព្រោះពួកគាត់ធ្លាប់ជួបព្រឹត្តិការណ៍ញឹកញាប់ ៖ "ទិសដៅយើងឲ្យ
ត្រៀម ឲ្យស្ដាត្រង់សេចាស់ៗ
ហើយបើមានបញ្ហាខ្លាំងឲ្យគាត់ទៅទិសត្បូង
តែបើតាមពិតទៅអ្នកស្រុកនេះគាត់ស៊ាំ គ្មានព្រួយគ្មានបារម្ភអីទេ
គាត់ខ្ជិលគាត់អីដែរ"។
ជម្លោះដីទំហំ ៤.៦គីឡូម៉ែត្រក្រលា នៅជិតប្រាសាទព្រះវិហារ
បានផ្ទុះឡើងក្រោយពីកម្ពុជាបានដាក់ប្រាសាទដែលមានអាយុកាលចំណាស់ជាង
១ពាន់ឆ្នាំនេះ ជាសម្បត្តិបេតិកភ័ណ្ឌពិភពលោក នៅឆ្នាំ២០០៨
ហើយការផ្ទុះអាវុធនោះបណ្តាលឲ្យភាគីទាំងពីរស្លាប់ និងរបួសទាំងសងខាង
ទើបជំរុញឲ្យកម្ពុជា ប្ដឹងករណីនេះ ទៅតុលាការយុត្ដិធម៌អន្ដរជាតិ
ទីក្រុងឡាអេ ICJ ឲ្យបកស្រាយសាលដីការ ឆ្នាំ១៩៦២ ឡើងវិញ៕
សូមសរសេរមកកាន់ លោក បូ សាវី តាមរយៈ savy@vodhotnews.com
1 comment:
In the time Khmer had conflict with Thai on Preah Vihear 1962; why Sihanouk did not claim back Kampuchea Krom ?. There was only 7 years after the French signed Kampuchea for Youn.
Sihanouk was a Khmer traitor got poison Srey Youn Monique. The bottom line Khmer start to understand that Sihanouk was a second Chey Chestha II.
Actually, Khmer must understand that Sihanmoni is a Youn. He signed Koh Tral for Youn, and unconstitutionally legitimated fifth mandate for Hun Sen .
If Sihamoni was not a Youn He won't act what he did. All those actions, all Khmer in all level knew that what he did was really wrong.
Post a Comment