 |
| RFA photo |
ដោយ សេក បណ្ឌិត RFA 2013-12-17
ព្រះសង្ឃរាប់រយអង្គ និងពុទ្ធបរិស័ទមួយចំនួនទៀត គង់ឈរហាលភ្លៀងនៅក្រៅរបងសាលសន្និសីទចតុមុខ ជាទីដែលក្រសួងធម្មការ និងមន្ត្រីសង្ឃធ្វើអនុសំវច្ឆរមហាសន្និបាតមន្ត្រីសង្ឃទូទាំងប្រទេស លើកទី២២ នៅព្រឹកថ្ងៃអង្គារ ទី១៧ ធ្នូ ដើម្បីតវ៉ាទាមទារឲ្យមន្ត្រីធម្មការ និងសាសនា ព្រមទាំងមន្ត្រីជាន់ខ្ពស់សង្ឃដែលមានវត្តមាននៅទីនោះ ចេញមកទទួលញត្តិ និងបញ្ជាក់ពីជំហរក្នុងការស្វែងរកសុវណ្ណកោដ្ឋព្រះបរមសារីរិកធាតុនៅភ្នំព្រះរាជទ្រព្យ ឬភ្នំឧត្តុង្គ ដែលចោរបានលួចយកចេញកន្លងមកនោះ។
ព្រះសង្ឃប្រមាណជាង ២០០អង្គ និងប្រជាពលរដ្ឋជាច្រើននាក់ផ្សេងទៀតបានគង់និងឈរបិទកំណាត់ផ្លូវព្រះស៊ីសុវត្ថិ ជាការដាក់សម្ពាធដល់មន្ត្រីសង្ឃ និងស្ថាប័នពាក់ព័ន្ធឲ្យពន្លឿនដល់ការស៊ើបអង្កេតជុំវិញករណីបាត់សុវណ្ណកោដ្ឋព្រះបរមសារីរិកធាតុ។
 |
| RFA photo |
ប្រធានបណ្ដាញព្រះសង្ឃឯករាជ្យដើម្បីយុត្តិធម៌សង្គម ព្រះតេជព្រះគុណ ប៊ុត ប៊ុនតិញ ដែលជាអ្នកដឹកនាំការតវ៉ាមានថេរដីកាថា ការធ្វើពិធីសាសនា ការដង្ហែក្បួន និងការបិទផ្លូវនេះដោយសារព្រះសង្ឃនិងប្រជាពលរដ្ឋមើលឃើញថា អាជ្ញាធររដ្ឋាភិបាលមានភាពយឺតយ៉ាវក្នុងការស៊ើបអង្កេតក្នុងករណីនេះ និងហាក់មានការលាក់លៀមជុំវិញព័ត៌មាននេះមិនឲ្យប្រជាពលរដ្ឋដឹងឭឡើយ។
ព្រះតេជព្រះគុណសូមឲ្យរដ្ឋាភិបាលនិងមន្ត្រីសង្ឃ ចាត់វិធានការយ៉ាងតឹងតែងក្នុងការស្វែងរកព្រះបរមសារីរិកធាតុមកវិញឲ្យបានឆាប់។
ការតវ៉ាដោយបិទផ្លូវ និងស្ថិតនៅក្រោមដំណក់ភ្លៀងប្រមាណជាង ២ម៉ោង ទើបមានមន្ត្រីសង្ឃ និងមន្ត្រីក្រសួងធម្មការនិងសាសនា ចេញមុខមកចរចា និងសន្យាថា នឹងជំរុញឲ្យរដ្ឋាភិបាលសកម្មក្នុងការស៊ើបអង្កេតករណីនេះ។
 |
| RFA photo |
ក្រោយពីរបានទទួលការសន្យាពីមន្ត្រីសង្ឃរួច ក្រុមតវ៉ាបានរំសាយទៅលានប្រជាធិបតេយ្យវិញ នៅម៉ោងប្រមាណជិត ១២ថ្ងៃត្រង់ ដើម្បីបើកផ្លូវឲ្យមន្ត្រីសង្ឃដែលចូលរួមធ្វើមហាសន្និបាតបាននិមន្តចេញពីសាលសន្និសីទចតុមុខនោះឲ្យទាន់ទទួលចង្ហាន់ថ្ងៃត្រង់។
ពាក់ព័ន្ធការបាត់សុវណ្ណកោដ្ឋព្រះបរមសារីរិកធាតុដែរ ក្រឡាបញ្ជីនៃសាលាដំបូងខេត្តកណ្ដាល បានឲ្យដឹងនៅថ្ងៃទី១៦ ធ្នូ ថា តុលាការសម្រេចឃុំជនសង្ស័យទាំង ៥នាក់ ដោយផ្អែកទៅលើវត្ថុតាងដែលអាជ្ញាធរប៉ូលិសរកឃើញនៅផ្ទះរបស់ជនសង្ស័យ បន្ទាប់ពីតុលាការបានសាកសួរជនសង្ស័យ រយៈពេល ២ថ្ងៃ គឺពីថ្ងៃទី១៤ ដល់ថ្ងៃទី១៥ ធ្នូ កន្លងមក។
សុវណ្ណកោដ្ឋព្រះបរមសារីរិកធាតុដែលតម្កល់នៅព្រះសក្យមុនីចេតិយ ស្ថិតនៅក្នុងឃុំផ្សារដែក ស្រុកពញាឮ ខេត្តកណ្ដាល ត្រូវចោរលួចគាស់យកកាលពីយប់ថ្ងៃទី៩ ឈានចូលថ្ងៃទី១០ ខែធ្នូ។ ព្រះសក្យមុនីចេតិយនេះ មានតម្កល់ព្រះសារីរិកធាតុរបស់ព្រះសម្មាសម្ពុទ្ធ មានតម្កល់បដិមាធ្វើពីមាស សំរឹទ្ធ និងលង្ហិន ដែលមានតម្លៃរាប់ពាន់ដុល្លារថែមទៀត៕
3 comments:
Chorp Heuy Khmer Heuy! Even in the Pol Pot regime, Pol Pot has portected.
Hun sen is an only man who can know this problem, because before election hun sen had ready said that if he lose at election, he will be never to belive in god.
The government cannot find the original golden urn because the government themselves who are the stealer, they stole for enhancement of their power.
The reason why the government are quieted and did not issue any statement about the loss? It is because the government has no ability to find it; they are police and thief.
The government will make new golden urn and put fake relics in then declare that the government found the golden urn, it is because no one knew the origin relics look like it is only king ta and top government official and patriarch monk knew origin relics.
Post a Comment