 |
| អ្នកភូមិបឹងកក់ ត្រូវបានរារាំងដោយសមត្ថកិច្ច ពេលដើរហែញត្តិ ទៅដាក់នៅក្រសួងយុត្តិធម៌ |
ថ្ងៃទី 10 កញ្ញា 2012 | ដោយ: រតនា
Cambodia Express News
ភ្នំពេញ: ក្រុមប្រជាពលរដ្ឋអ្នកភូមិបឹងកក់ នៅព្រឹកថ្ងៃចន្ទ ទី១០ ខែកញ្ញា ឆ្នាំ២០១២ បានប្រមូលផ្តុំ ស្រែកតវ៉ា និងលើកបដា នៅតំបន់បឹងកក់ ក្នុងគោលបំណងដើរហែញត្តិ យកទៅដាក់នៅក្រសួងយុត្តិធម៌ ទាមទារឲ្យមានការដោះលែងស្ត្រីអ្នកភូមិបឹងកក់ និងបុរីកីឡាពីរនាក់ ដែលត្រូវបានឃុំខ្លួន។
ក្នុងពេលប្រមូលផ្តុំ នៅព្រឹកថ្ងៃចន្ទនេះ ក្រុមអ្នកភូមិ កាន់ផ្កាឈូក បដា និងពាក់មុខ រូបអ្នកស្រី យ៉ោម បុប្ផា និងអ្នកស្រី ទឹម សាក់មុន្នី។ ប៉ុន្តែក្រុមអ្នកភូមិ ត្រូវបានរារាំងដោយសមត្ថកិច្ច នៅម្ដុំវិហារឥស្លាម ផ្លូវចេញពីបឹងកក់ ខាងជើងសាលារាជធានីភ្នំពេញ។ ប៉ុន្តែប្រជាពលរដ្ឋបឹងកក់ ជាស្ត្រី និងកុមារ ប្រមាណ ១០០ នាក់ បានរុញទម្លុះរបាំង ដែលរាំងខ្ទប់ ដោយប៉ូលិសបង្ក្រាបបាតុកម្ម និងអាជ្ញាធរខណ្ឌដូនពេញ។
នៅក្នុងហេតុការណ៍រុញច្រាននោះ ក៏មានស្ដ្រីបឹងកក់ម្នាក់ ឈ្មោះ ខែក ចាន់រស្មី បានដួលសន្លប់ នៅពេលដែលរុញច្រានជាមួយនឹងប៉ូលិស នៅមុខសណ្ឋាគារភ្នំពេញ ផ្លូវចេញចូលបឹងកក់។
ដោយមានការរារាំងពីកម្លាំងសមត្ថកិច្ចយ៉ាងតឹងរឹងនោះ ទីបំផុតក្រុមអ្នកភូមិបឹងកក់ បានដកថយទៅវិញ។
តាមផែនការ ក្រុមប្រជាពលរដ្ឋអ្នកភូមិបឹងកក់ និងសហគមន៍បុរីកីឡា នៅព្រឹកថ្ងៃចន្ទទី១០ ខែកញ្ញា ឆ្នាំ២០១២ ដឹកនាំដោយក្រុមកុមារតូចៗ គ្រោងនឹងប្រមូលផ្តុំ ស្រែកតវ៉ា និងលើកបដា នៅមុខក្រសួងយុត្តិធម៌ និងរដ្ឋសភា ទាមទារឲ្យមានការដោះលែងស្ត្រីអ្នកភូមិបឹងកក់ និងបុរីកីឡាពីរនាក់ ដែលត្រូវបានឃុំខ្លួន។
ក្នុងពេលប្រមូលផ្តុំ នៅព្រឹកថ្ងៃចន្ទនេះ ក្រុមអ្នកភូមិបឹងកក់ ត្រូវដាក់ញត្តិទៅកាន់ក្រសួងយុត្តិធម៌ និងរដ្ឋសភា ដើម្បីស្នើសុំអន្តរាគមន៍ ឲ្យស្ត្រីពីរនាក់នោះ មានសេរីភាពឡើងវិញ។
សូមរម្លឹកថា អ្នកភូមិបឹងកក់ អ្នកស្រី យ៉ោម បុប្ផា ត្រូវបានតុលាការ សម្រេចឃុំខ្លួន ពីបទ ប្រើអំពើហិង្សា ដោយចេតនា វាយលើបុរសពីរនាក់ កាលពីថ្ងៃ៤ ខែកញ្ញា ឆ្នាំ២០១២។ ចំណែកអ្នកតវ៉ាដីធ្លីម្នាក់ទៀត នៅបុរីកីឡា គឺអ្នកស្រី ទឹម សាក់មុន្នី ក៏ត្រូវបានតុលាការក្រុងភ្នំពេញ សម្រេចឃុំខ្លួន កាលពីព្រឹកថ្ងៃទី៥ ខែកញ្ញា ឆ្នាំ២០១២ តាមពាក្យបណ្តឹងរបស់ក្រុមហ៊ុន ផានអ៊ីម៉ិច ពីបទ ញុះញង់ឲ្យប្រព្រឹត្តបទឧក្រិដ្ឋ។
កាលពីថ្ងៃទី៦ ខែកញ្ញា ឆ្នាំ២០១២ អង្គការសង្គមស៊ីវិល និងអង្គការសិទ្ធិមនុស្សជាច្រើន បានចេញសេចក្ដីថ្លែងការណ៍ដាច់ដោយឡែកពីគ្នា ជាបន្តបន្ទាប់ ដោយថ្កោលទោសនឹងការចាប់ខ្លួនស្ត្រីអ្នកភូមិបឹងកក់ និងបុរីកីឡាទាំងពីរ ហើយបានទាមទារឲ្យដោះលែងស្ត្រីទាំងពីរនាក់ ជាបន្ទាន់ និងគ្មានលក្ខខណ្ឌ។
កាលពីថ្ងៃទី៧ ខែកញ្ញា ឆ្នាំ២០១២ អ្នកភូមិបានប្រមូលផ្តុំតវ៉ា និងដាក់ញត្តិទៅកាន់ស្ថានទូតនានា ព្រមទាំងលោកឧបនាយករដ្ឋមន្ត្រី សុខ អាន រដ្ឋមន្ត្រីក្រសួងមហាផ្ទៃ ដើម្បីឲ្យអន្តរាគមន៍ដោះលែងស្ត្រីទាំងពីរនាក់ ចេញពីពន្ធនាគារព្រៃស។ ចំណែកកាលពីព្រឹកថ្ងៃអាទិត្យ ទី៩កញ្ញា ឆ្នាំ២០១២ ពលរដ្ឋបឹងកក់ និងអ្នកបុរីកីឡា ក៏បានជួបជុំ នៅមុខពន្ធនាគារព្រៃស ហើយស្នើសុំឲ្យដោះលែងស្ត្រីទាំងពីររូបផងដែរ។
យ៉ាងណាក៏ដោយ ក្នុងរឿងឃុំខ្លួនស្ត្រីអ្នកតវ៉ាដីធ្លីនៅបឹងកក់ និងនៅបុរីកីឡានេះ ត្រូវបានមន្ត្រីតុលាការអះអាងថា មិនជាប់ពាក់ព័ន្ធនឹងការតវ៉ាដីធ្លីទេ តែជារឿងព្រហ្មទណ្ឌ ដែលស្ត្រីទាំងពីរបានប្រព្រឹត្តបទល្មើសច្បាប់ប៉ុណ្ណោះ៕
1 comment:
Ah Kwak Hun Sen gives
Khmer land to Youn,
Grab people land and properties to give to the rich,
Beat up Khmer people everyday,
Deforest the trees all over Cambodia,
Let Youn citizen come and go like their own country.
Let Youn citizen live in Cambodia and give them Cambodia citizen.
Hurt Khmer Krom people.
Kill Khmer people and opposition members.
Let Youn agents dress in Cambodia military and police uniforms to control Khmer.
All of Hun Sen's PM and Hun Sen himself go to Vietnam to fuck Youn girls and come back to sign off Khmer land to Youn.
Do you still support Ah traitor, Ah Hun Sen?
Post a Comment