អាយ៉ងភ្នំពេញ ចាប់ឃុំខ្លួន បងប្អូនខ្មែរ ក្រោមទៀតហើយ!

ខ្មែរកម្ពុជាក្រោម ៦ នាក់ ត្រូវបានចាប់ខ្លួន ពីបទបង្កើតភេរវកម្ម និងរៀបចំកម្លាំងប្រដាប់អាវុធ

ថ្ងៃទី 16 មីនា 2013 | ដោយ: លី សិលា
Cambodia Express News

ជនសង្ស័យទាំង ៦នាក់នោះ មានបុរស ៤នាក់ ដែលរួមមាន ឈ្មោះ យ៉ន គឹមស្រ៊ុន ហៅ យ៉ាន គឹមស្រ៊ុន ហៅ កែវ យ៉ាវ អាយុ ២៧ឆ្នាំ ឈ្មោះ យ៉ន យឿប ហៅ តក់ អាយុ ២៥ឆ្នាំ ឈ្មោះ ថាច់ កុងផួង ហៅ ថាច់ វ៉ាង់ ហៅថាច់ កុសល អាយុ ៣៧ឆ្នាំ ឈ្មោះ ខែម ម៉ា ហៅ ខេមរា អាយុ ២៨ឆ្នាំ ឈ្មោះ យិន យ៉ាវ និងឈ្មោះ ថាច់ ស៊ឺ

ភ្នំពេញ: ប៉ូលិសបានឲ្យដឹងថា ជនសង្ស័យ ៦នាក់ ដែលជាខ្មែរកម្ពុជាក្រោម ត្រូវបានចាប់ខ្លួន ដោយសារតែជាប់ពាក់ព័ន្ធនឹងក្រុមបង្កើតភេរវកម្ម និងរៀបចំកម្លាំងប្រដាប់អាវុធខុសច្បាប់។ ជនសង្ស័យទាំងនោះត្រូវបានប៉ូលិសបញ្ជូនទៅតុលាការកាត់ទោស។

ប្រធានសេនាធិការ នៃអគ្គស្នងការដ្ឋាននគរបាលជាតិ លោកឧត្តមសេនីយ៍ឯក គៀត ច័ន្ទថារិទ្ធ អ្នកនាំពាក្យនគរបាលជាតិ បានឲ្យដឹងថា សមត្ថកិច្ចបានចាប់បញ្ជូនក្រុមជនសង្ស័យ ៦ នាក់ ដែលជាប់ពាក់ព័ន្ធនឹងការបង្កើតក្រុមភេរវកម្ម និងរៀបចំកម្លាំងប្រដាប់អាវុធខុសច្បាប់ទៅតុលាការ កាលពីព្រឹកថ្ងៃទី១៥មីនានេះ បន្ទាប់ពីអ្នកទាំងនោះត្រូវបានអាជ្ញាធរថៃចាប់ខ្លួននៅពេលធ្វើអន្តោប្រវេសន៍ខុសច្បាប់ ហើយចាប់បញ្ជូនមកកម្ពុជាវិញ។ នេះបើតាមការផ្សព្វផ្សាយរបស់គេហទំព័រប៉ូលិសជាតិ។


លោក គៀត ច័ន្ទថារិទ្ធ បានបញ្ជាក់ថា ការចាប់ខ្លួនអ្នកទាំងនេះ គឺតាមដីកាចាប់ខ្លួនរបស់តុលាការ ដែលចោទប្រកាន់ពីបទ ភេរវកម្ម បាចខិត្តប័ណ្ណ ហើយនិងពាក់ព័ន្ធការដាក់គ្រឿងផ្ទុះ កសាងកម្លាំងប្រដាប់អាវុធខុសច្បាប់ និងការបង្កើតរណសិរ្សសង្គ្រោះជាតិខ្មែរ។ សកម្មភាពទាំងនេះផ្ទុយនឹងច្បាប់នៃប្រទេសកម្ពុជា។

លោកឧត្តមសេនីយ៍ឯក គៀត ច័ន្ទថារិទ្ធ បានបន្តថា ជនសង្ស័យទាំង ៦នាក់នោះ តុលាការកំពុងធ្វើការសាកសួរមិនទាន់ចប់នៅឡើយទេ។

ជនសង្ស័យទាំង ៦នាក់នោះ មានបុរស ៤នាក់ ដែលរួមមាន ឈ្មោះ យ៉ន គឹមស្រ៊ុន ហៅ យ៉ាន គឹមស្រ៊ុន ហៅ កែវ យ៉ាវ អាយុ ២៧ឆ្នាំ ឈ្មោះ យ៉ន យឿប ហៅ តក់ អាយុ ២៥ឆ្នាំ ឈ្មោះ ថាច់ កុងផួង ហៅ ថាច់ វ៉ាង់ ហៅថាច់ កុសល អាយុ ៣៧ឆ្នាំ ឈ្មោះ ខែម ម៉ា ហៅ ខេមរា អាយុ ២៨ឆ្នាំ ឈ្មោះ យិន យ៉ាវ និងឈ្មោះ ថាច់ ស៊ឺ៕ S