ដោយ រដ្ឋា វីសាល
RFA
Synopsis: A CPP activist, who is local official in Stung Treng province, claimed that his freedom of expression is threatened by CPP party officials who want to remove from his position as an elected official. On 11 January 2012, Ros Lach, the 2nd CPP councilor in Anlong Phe commune, Thalabrivat district, Stung Treng province, expressed his concerns about his personal safety because local CPP officials threatened him and they have prepared paperwork to remove him from his position as commune councilor. He claimed that he voiced out his opinion during seminars and public forum organized by the civil society and he criticized the inaction by the local authority against logging of precious wood, as well as deforestation. All these issues affect CPP party officials, that is why his life was threatened by the wood trader and local CPP officials have prepared paperwork to remove him from his position. “They are silencing me, they restrict my freedom, they want me to follow their plan, i.e. to follow the path they set for me. This is a restriction on my political freedom rights, on my work rights, as well as on my freedom of expression rights.”
សមាជិកគណបក្សប្រជាជនមួយរូប មានឋានៈជាមន្ត្រីមូលដ្ឋាននៅខេត្តស្ទឹងត្រែង អះអាងថា សិទ្ធិបញ្ចេញមតិរបស់លោកកំពុងរងការគំរាមកំហែងពីមន្ត្រីបក្សរបស់ខ្លួន តាមរយៈការដកតំណែងចេញពីមន្ត្រីជាប់ឆ្នោតនៅមូលដ្ឋាន។
ជំទប់ទី២ ឃុំអន្លង់ភេ ស្រុកថាឡាបរិវ៉ាត់ ខេត្តស្ទឹងត្រែង គឺលោក រស់ ឡាច។ នៅថ្ងៃពុធ ទី១១ ខែមករា ឆ្នាំ២០១២ លោកបានសំដែងការព្រួយបារម្ភពីសុវត្ថិភាពផ្ទាល់ខ្លួន ដោយសារតែមន្ត្រីមូលដ្ឋានក្នុងបក្សរបស់លោកគំរាមកំហែង និងរៀបចំឯកសារដកលោកចេញពីតួនាទីក្រុមប្រឹក្សាឃុំ។
លោកបានបញ្ជាក់ថា ដោយសារតែលោកបានចូលរួមបញ្ចេញមតិក្នុងសិក្ខាសាលា ឬវេទិកាសាធារណៈរៀបចំឡើងដោយអង្គការសង្គមស៊ីវិល ហើយលោកបានរិះគន់ទៅលើអំពើអសកម្មដូចជាបញ្ហាធ្វើអាជីវកម្មឈើប្រណិតនៅមូលដ្ឋាន និងបញ្ហាកាប់រានព្រៃឈើជាដើម ក្នុងនោះពាក់ព័ន្ធមន្ត្រីបក្សនៅមូលដ្ឋាន ហេតុនេះទើបមានការគំរាមកំហែងអាយុជីវិតលោកពីសំណាក់ក្រុមឈ្មួញអ្នកទិញឈើ និងមន្ត្រីពាក់ព័ន្ធ រៀបចំគំរោងដកលោកចេញពីតួនាទីនេះ។
លោកបានចោទប្រកាន់ថា ប្រធានបក្សស្រុក គឺលោកអភិបាលស្រុកថាឡាបរិវ៉ាត់ គឺជាអ្នករៀបចំឯកសារដកតំណែងនេះ៖ «ជាការបិទមាត់ខ្ញុំ បិទសេរីភាពខ្ញុំ គេចង់ឲ្យខ្ញុំដើរតាមគំរោងអ្វីមួយរបស់គេ បានន័យថា គេត្រួសផ្លូវឲ្យខ្ញុំដើរ។ ឃើញថា នេះជាការរឹតត្បិតមួយខាងសិទ្ធិនយោបាយ សិទ្ធិការងារផ្សេង សិទ្ធិបញ្ចេញមតិផងដែរ»។
ទាក់ទងសេចក្ដីអះអាង និងពាក្យចោទប្រកាន់នេះ អភិបាលស្រុកថាឡាបរិវ៉ាត់ លោក ជា ថាវរឹទ្ធ និងជាប្រធានបក្សប្រជាជនស្រុក។ លោកមិនធ្វើអត្ថាធិប្បាយពិស្ដារយ៉ាងណានោះទេ ដោយលោកបញ្ជាក់យ៉ាងខ្លីថា មិនបានដឹងរឿងនេះ៖ «អត់បានដឹងទេរឿងហ្នឹង ថ្នាក់លើយ៉ាងម៉េចមិនដឹងទេអាហ្នឹង។ ប៉ុណ្ណឹងបានហើយខ្ញុំជាប់រវល់ប្រជុំ»។
លោក រស់ ឡាច ជាសមាជិកគណបក្សប្រជាជនឃុំអន្លង់ភេ។ លោកបានជាប់ឆ្នោតជាសមាជិកក្រុមប្រឹក្សាឃុំ កាលពីអាណត្តិបោះឆ្នោតជ្រើសរើសក្រុមប្រឹក្សាឃុំសង្កាត់ កាលពីឆ្នាំ២០០៦។ កាលពីប៉ុន្មានឆ្នាំកន្លងទៅនេះ លោកធ្លាប់ចូលរួមជាមួយសហគមន៍ការពារធនធានធម្មជាតិ ទប់ស្កាត់បទល្មើសព្រៃឈើនៅមូលដ្ឋាននោះ និងបានចូលរួមការពារព្រៃឈើនៅតំបន់ព្រៃឡង់ កុំឲ្យមានការកាប់បំផ្លាញ និងជាពិសេសលោកគឺជាសកម្មជនតស៊ូមតិមួយរូប ដែលហ៊ានលើកឡើងពីបញ្ហាអវិជ្ជា ជាពិសេសពាក់ព័ន្ធមន្ត្រីមានអំណាចនៅមូលដ្ឋាន។
អ្នកសម្របសម្រួលកម្មវិធីពង្រឹងអំណាចសហគមន៍នៃមជ្ឈមណ្ឌលសិទ្ធិមនុស្សកម្ពុជា គឺលោក ឈឹម សាវុធ។ លោកបានបញ្ជាក់ថា អង្គការលោកកំពុងអង្កេតជុំវិញការរំលោភទៅលើសិទ្ធិបញ្ចេញមតិ និងអំពើគំរាមកំហែងមកលើពលរដ្ឋនេះ។
លោកបន្តថា សិទ្ធិបញ្ចេញមតិត្រូវបានគាំពារដោយច្បាប់៖ «វាជាករណីគំរាមមួយអត់ចង់ឲ្យប្រជាពលរដ្ឋទូទៅហ្នឹងលើកពីបញ្ហាដែលគាត់ជួបក្នុងមូលដ្ឋានរបស់គាត់។ បើសិនវាមានពាក់ព័ន្ធដល់បញ្ហាសុវត្ថិភាព ខាងយើងអាចជម្លៀសគាត់ចេញកន្លែងហ្នឹង យកមកកន្លែងណាមានសុវត្ថិភាព ហើយយើងមានលិខិតអន្តរាគមន៍ផ្សេងៗទៅក្រសួងមហាផ្ទៃបន្តទៀត»។
យ៉ាងនេះក្តី លោក រស់ ឡាច បានអំពាវនាវឲ្យក្រុមសមត្ថកិច្ចពាក់ព័ន្ធ និងអង្គការសង្គមស៊ីវិល ជួយឃ្លាំមើលសុវត្ថិភាពរូបលោកជាបន្តទៀតផង។
របាយការណ៍អង្កេតរបស់សមាគមអាដហុក ខេត្តស្ទឹងត្រែង ឲ្យដឹងថា ក្នុងឆ្នាំ២០១១ កន្លងទៅ សមាគមនេះរកឃើញករណីរំលោភសិទ្ធិមនុស្សកើតមាន ៥ករណី នៅក្នុងខេត្ត៕
2 comments:
IDIOT!
When the government is a puppet of Vietnam, whatever Khmer people do to protect Khmer's interest are not right with this puppet governemnt.
Go to hell Ah Kwack!!
Post a Comment