ដេញចេញ រាប់រយគ្រូសារ នៅជិតបង្កើយ ម៉េច ក៏មើល មិនឃើញផង ជំទាវអត់ក្រឹត្យ តេជោអស់លក្ខណ៏?

ជំទាវអត់ក្រឹត្យ

តេជោអស់លក្ខណ៏ អើយ!

នេះមើលឃើញ៖

ចុះម៉េចក៏មើលមិនឃើញនេះផង?

ឬក៏ខ្វាក់ទាំងពីរនាក់ប្តីប្រពន្ធ?

សម្ដេច​ ហ៊ុន សែន ចេញលុយ លោះផ្ទះ ឱ្យស្ដ្រីមេម៉ាយ ដែលរឹបអូស លក់សងម្ចាស់បំណុល

Friday, 24 February 2012
ដោយ ៖ ស៊ន សុភក្ដ្រ
CPP Mouthpiece DAP-news

កំពង់ឆ្នាំង ៖ សម្រែកទ្រហ៊ោយំ ស្រក់ ទឹកភ្នែក និងអង្គុយឱបគ្នា លើកម្រាមដៃ ដប់សំពះពីសំណាក់ ក្រុមក្មេងៗ និងអាណា ព្យាបាលជាស្ដ្រីមេម៉ាយចំនួន ៨នាក់ រស់នៅ ផ្ទះជាប់ផ្សារព្រៃខ្មែរ ឃុំអណ្ដូងស្នាយ ស្រុករលា ប្អៀរ ខេត្ដកំពង់ឆ្នាំង ខណៈដែលកម្លាំង សមត្ថកិច្ចចម្រុះ ដឹកនាំដោយព្រះរាជអាជ្ញា ខេត្ដ ពេញ វិបុល ចុះរឹប អូសផ្ទះរបស់ខ្លួន ដោយសារតែចាញ់ក្ដីភាគីម្ខាងទៀត ក្នុងរឿង ជំពាក់លុយមិនសង បានធ្វើឱ្យលោកជំទាវ កិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ស្រក់ ទឹកភ្នែក អាណិត ពីទុក្ខលំបាក ដល់ក្រុមគ្រួសារ មួយនេះនោះ ឥឡូវត្រូវបានប្រមុខរាជរដ្ឋា ភិបាល សម្ដេចតេជោ ហ៊ុន សែន មានក្ដី អាណិតមេត្ដា ចេញលុយទៅលោះយកផ្ទះ នោះមក ឱ្យស្ដ្រីមេម៉ាយខាងលើនេះវិញ ហើយ ដើម្បីបន្ដបានរស់នៅរកស៊ីចិញ្ចឹមកូន និងចៅៗដូចដើមវិញ ។

នៅរសៀលថ្ងៃទី២៤ ខែកុម្ភៈ ឆ្នាំ២០១២ នេះ បន្ទាប់ពីសម្ដេចតេជោ ហ៊ុន សែន សម្រេចផ្ដល់លុយលោះផ្ទះ និងអាជ្ញាធរ សមត្ថកិច្ចខេត្ដបំពេញ បែបបទតាម ផ្លូវច្បាប់ រួចរាល់ហើយនោះ លោកទូច ម៉ារីម អភិ បាលខេត្ដ រួមទាំងមន្ដ្រីថ្នាក់ដឹកនាំខេត្ដនិង ស្រុកជាច្រើនរូបទៀត បានធ្វើដំណើរចុះទៅ កាន់ទីតាំងផ្ទះដែលគេ រឹប អូសលក់ឡាយ ឡុង រួចហើយធ្វើពិធីប្រគល់កូនសោនិងបើក ទ្វារផ្ទះឱ្យស្ដ្រីមេម៉ាយខាងលើ មានសិទ្ធិចូល រស់នៅនិងកាន់កាប់ស្របច្បាប់ឡើងវិញ ។


ក្នុងនោះលោកទូច ម៉ារីម ក៏បានថ្លែងរៀប រាប់ពីទឹកចិត្ដអាណិតអាសូររបស់សម្ដេច តេជោ ហ៊ុន សែន និងលោកជំទាវរហូតដល់ លោកសម្រេចផ្ដល់ថវិកា យកទៅ លោះផ្ទះ យកមកប្រគល់ឱ្យស្ដ្រីមេម៉ាយនេះវិញ។

ខណៈទទួលបានផ្ទះមកវិញ ស្ដ្រីមេម៉ាយ រួមទាំងកូនចៅទាំងអស់ បានសម្ដែងនូវទឹក ចិត្ដរំភើបត្រេកអរ រហូតដល់នាំគ្នាស្រក់ទឹក ភ្នែក តែមិនមែនជាការស្រក់ទឹកភ្នែក ដូច លើកមុន ដោយសារតែគេរឹបអូសផ្ទះនោះទេ គឺជាទឹកភ្នែករំភើបរីករាយ ហើយពួកគាត់ គ្មានអ្វីថ្លែង ក្រៅតែពីលើកដៃសំពះអរគុណ អស់មួយជីវិតដល់សម្ដេច និងលោកជំទាវ នោះឡើយ ដែលទង្វើល្អប្រពៃរបស់សម្ដេច និងលោកជំទាវខាងលើនេះ បានធ្វើឱ្យក្រុម គ្រួសាររបស់គាត់ រួចផុតពីភាពឯកោទុក្ខ លំបាកវេទនា នាពេលបច្ចុប្បន្ន និងបន្ដទៅ អនាគត បើគ្មានសម្ដេចតេជោ និងលោក ជំទាវជួយទេនោះ ។

សូមបញ្ជាក់ថា ដោយមើលឃើញភាព ទីទាល់ក្រនិងវេទនា ដោយសារគ្មានផ្ទះ សម្បែង រស់នៅ ពីព្រោះតែជំពាក់លុយគេ ហើយត្រូវចាញ់ក្ដី យ៉ាងដូច្នេះ សម្ដេចតេជោ ហ៊ុន សែន ក្នុងនាមជាថ្នាក់ដឹកនាំជាតិ បានស្នើឱ្យអភិបាល ខេត្ដកំពង់ឆ្នាំង ទូច ម៉ារីម ធ្វើរបាយការណ៍ ចំពោះករណីនេះ ជូនដល់សម្ដេចដើម្បីត្រួត ពិនិត្យមើល ។
លោក ទូច ម៉ារីម នៅក្នុងរបាយការណ៍ របស់ខ្លួន ដែលផ្ញើជូនសម្ដេចនាយករដ្ឋមន្ដ្រី បានរៀបរាប់ថា រឿងក្ដីមួយនេះកើតឡើង តាំងពីឆ្នាំ ២០០៦ រហូតដល់ឆ្នាំ២០០៩ ដែល ភាគីម្ចាស់បំណុល ឈ្មោះ ខែក ធីម បានឈ្នះ កូនបំណុលឈ្មោះ ប្រាក់ យ៉ាន ជាប្រពន្ធនិង ប្ដីឈ្មោះ យឹម ណុល ហើយរឿងក្ដីនេះបាន ដំណើរការចាប់តាំង ពីសាលាដំបូង រហូតដល់ តុលាការកំពូល។ចុងក្រោយតុលាការកំពូល បានសម្រេចចេញសាលដីកា ចុះថ្ងៃទី០៦ ខែ មីនា ឆ្នាំ២០០៩ តម្រូវឱ្យភាគីចាញ់ក្ដីសង ប្រាក់ទៅភាគីឈ្នះក្ដីចំនួន១ម៉ឺនដុល្លារ និង ការប្រាក់ ៥ភាគរយក្នុងមួយឆ្នាំ និងប្រាក់ រៀល ៣លាន៦សែនរៀល ។

យោងតាមរបាយការណ៍ របស់លោក អភិបាលខេត្ដបានបន្ដថា ដោយសារតែជំពាក់ លុយគេច្រើនពេក និងមានភាពស្មុគស្មាញ កាន់តែខ្លាំងក្នុងរង្វង់គ្រួសារ បាន បង្ខំឱ្យប្ដីរួម ទាំងកូនប្រសារប្រុស ចុះចោលផ្ទះទុកឱ្យស្ដ្រី មេម៉ាយ ឈ្មោះ ប្រាក់ យ៉ាន ចិញ្ចឹមកូន និង ចៅទាំងលំបាកលំបិនបំផុត ពោលម្យ៉ាងខូច ចិត្ដពេលប្ដីចុះចោល និងម្យ៉ាងទៀត ត្រូវ ចិញ្ចឹមកូនចៅទាំងអស់ ព្រមទាំងប្រឈម មុខការបណ្ដេញចេញពីលំនៅដ្ឋានរបស់ខ្លួន ទៀតផង ។ ដោយសារតែរូបភាពលំបាក វេទនាយ៉ាង ដូច្នេះបានកើតឡើង ចំពោះគ្រួសារ ខាងលើ លោក ទូច ម៉ារីម បានសំណូមពរ សម្ដេចតេជោ ហ៊ុន សែន សម្របសម្រួល ដោយសុំទិញផ្ទះពីអ្នកដេញថ្លៃបាន ឈ្មោះ ឌុច ពៅ ហើយសុំបង្វិលប្រាក់ ១.៧០០០ ដុល្លារ ឱ្យទៅឈ្មោះ ឌុច ពៅ វិញ រីឯផ្ទះ ប្រគល់ជូនអ្នកស្រី ប្រាក់ យ៉ាន ។

ដោយការហូរទឹកភ្នែក យំស្រែកផ្អើល ប្រជាពលរដ្ឋ និងអាជីវករផ្សារព្រៃខ្មែរបាន ធ្វើឱ្យសម្ដេចតេជោ ហ៊ុន សែន លើកឡើង ពីករណីនេះ នៅចំពោះមុខថ្នាក់ដឹកនាំ និង មន្ដ្រីជាច្រើននាក់ ក្នុងអង្គសន្និបាតបូកសរុប ការងារ ឆ្នាំ២០១១ និងលើកទិសដៅឆ្នាំ ២០១២ របស់ក្រសួងអភិវឌ្ឍន៍ជនបទកាល ពីរសៀលថ្ងៃទី២១ ខែកុម្ភៈ ឆ្នាំ២០១២ ។

នៅក្នុងឱកាសនោះ សម្ដេចនាយករដ្ឋ មន្ដ្រីបានមានប្រសាសន៍ថា ដោយសារតែ រឿងនេះ ធ្វើឱ្យភរិយារបស់សម្ដេចស្រក់ទឹក ភ្នែក ហើយបានរិះគន់ចំពោះបុរសជាប្ដី និង កូនប្រសារប្រុស ដែលចុះចោលស្ដ្រីមេម៉ាយ ឱ្យនៅចិញ្ចឹមកូន និងចៅតូចៗ យ៉ាងលំបាក ដូច្នេះ ។

សម្ដេចនាយករដ្ឋមន្ដ្រី បានផ្ដល់អនុសាសន៍ ឱ្យលោក ទូច ម៉ារីម ចុះត្រួតពិនិត្យរឿងនេះ ហើយបើទិញផ្ទះពីអ្នកដេញថ្លៃបាន ក្នុងតម្លៃ ១៧.០០០ ដុល្លារ ត្រូវយកលុយ ១២.៥០០ ដុល្លារ ទៅសងម្ចាស់បំណុល រីឯលុយសល់ ប៉ុន្មានទៀត ប្រគល់ឱ្យម្ចាស់ផ្ទះ គឺអ្នកស្រី ប្រាក់ យ៉ាន ។

សូមបញ្ជាក់ថា ព្រះរាជអាជ្ញាអមសាលា ដំបូង ខេត្ដកំពង់ឆ្នាំង លោក ពេញ វិបុល នៅរសៀលថ្ងៃទី១៦ ខែកុម្ភៈ ឆ្នាំ២០១២ បានដឹកនាំកម្លាំងចម្រុះរបស់ខេត្ដ ប្រមាណ ៣០នាក់ ចុះអនុវត្ដសាលដីការឹបអូសផ្ទះ មួយកន្លែង ស្ថិតនៅក្នុងផ្សារព្រៃខ្មែរ ឃុំ អណ្ដូងស្នាយ ស្រុករលាប្អៀរ ខេត្ដកំពង់ឆ្នាំង ដោយសារតែម្ចាស់ផ្ទះ អ្នកស្រី ប្រាក់ យ៉ាន បានជំពាក់លុយភាគីម្ខាងទៀត ហើយត្រូវ បានគេប្ដឹង រហូតដល់តុលាការកំពូល ។

ទាក់ទិននឹងទឹកចិត្ដសប្បុរសធម៌របស់ សម្ដេចតេជោ ហ៊ុន សែន និងលោកជំទាវ ត្រូវបានម្ចាស់ផ្ទះ រួមទាំងកូនចៅសរុប ៨ នាក់ លើកម្រាមដៃដប់ថ្លែងអំណរគុណដល់ លោកទាំងពីរ ដែលគិតគូរពីសុខទុក្ខរបស់ ពលរដ្ឋខ្មែរយ៉ាងពិតប្រាកដ ។

ជាមួយគ្នានេះ អ្នកផ្សារព្រៃខ្មែរទាំងមូល ក៏បានកោតសរសើរពីចំណាត់ការភ្លាមៗ របស់សម្ដេចនាយករដ្ឋមន្ដ្រី ហ៊ុន សែន ហើយ ចាត់ទុកថា ជាមេដឹកនាំដែល ប្រកបទៅ ដោយគុណធម៌យ៉ាងខ្ពស់បំផុត ៕