មហាសត្វ​សាម៉ែ អំពាវនាវព្រឹទ្ធសភា​នីតិកាល​ទី​៣ត្រូវ​ ខំ ពូន ជ្រុំ ជ្រោងជ្រែង ពួកស្វាចាស់ ឈឺ ជ្រេឡើងជ្រេញ ឲ្យបានឡើងជ្រុញ - Same old, same old geezers!

មិត្តសែន៖ ចុះអញនៅខាងណេះ ម៉េចក៏មិនកាន់ដៃអញផង ហាស់អូនង៉ោល?

ជិតដល់ពេលចូលមុងឈើទៅហើយ មិនដឹងខំត្រដរខ្យល់អីទេ ហាស់តាចាស់ណង់?

ព្រះមហាក្សត្រ​៖ ព្រឹទ្ធសភា​នីតិកាល​ទី​៣ ត្រូវ​បន្ត​រួមចំណែក​ការ​ពូន​ជ្រុំ​ប្រជាធិបតេយ្យ​


ថ្ងៃទី 24 មីនា 2012
ដោយ: មុនីរ័ត្ន
CEN

ពូនជ្រុំ ឬក៏ ពួនច្រាស់ច្រំ?

ភ្នំពេញ: ព្រឹទ្ធសភា​កម្ពុជា បាន​បើក​សម័យប្រជុំ​ដំបូង​ នីតិកាល​ទី​៣ នៅ​ព្រឹក​ថ្ងៃទី​២៤ ខែមីនា ឆ្នាំ​២០១២ ក្រោម​អធិបតីភាព​ដ៏​ខ្ពង់ខ្ពស់​របស់​ព្រះករុណា ព្រះបាទ សម្ដេចព្រះ​បរមនាថ នរោត្តម សីហមុនី ព្រះមហាក្សត្រនៃ​ព្រះរាជាណាចក្រ​កម្ពុជា ព្រមទាំង​សម្ដេច ជា ស៊ីម ព្រឹទ្ធសមាជិក នៃ​ព្រឹទ្ធសភា សម្ដេច ហេង សំរិន ប្រធានរដ្ឋសភា និង​សម្ដេចនាយក​រដ្ឋមន្ត្រី ហ៊ុន សែន រួមទាំង​សមាជិក សមាជិកា នៃ​ព្រឹទ្ធសភា​។​

​នៅក្នុង​ពិធី​បើក​សម័យប្រជុំ​ដំបូង​ នីតិកាល​ទី​៣ នៃ​ព្រឹទ្ធសភា ព្រះមហាក្សត្របាន​មាន​ព្រះបន្ទូល​​ថា ការបើក​សម័យប្រជុំ​ព្រឹទ្ធសភា​ នីតិកាល​ទី​៣ គឺ​ស្របតាម​ការសម្រេច​រប​ស់​រដ្ឋធម្មនុញ្ញ នៃ​ព្រះរាជាណាចក្រ​កម្ពុជា បន្ទាប់ពី​ម្ចាស់ឆ្នោត​ដែល​រួមមាន សមាជិក​រដ្ឋសភា សម​ជិ​ក​ឃុំ-សង្កាត់ ក្នុង​តំណែង បាន​សម្ដែង​នូវ​ឆន្ទៈ តាមរយៈ​ការបោះឆ្នោត​ជា​អសកល កាលពី​ថ្ងៃទី​២៩ ខែមករា ឆ្នាំ​២០១២​កន្លងមក​។ ក្នុងនោះ ព្រះមហាក្សត្រ បាន​អបអរសាទរ​ដ៏​កក់ក្ដៅ ជូន​ដល់​សមាជិក សមាជិកា នៃ​ព្រឹទ្ធសភា​នីតិកាល​ទី​៣ រួបរួមគ្នា ដើម្បី​បំពេញ​នូវ​តួនាទី​ក្នុង​ស្ថាប័ន​នីតិប្បញ្ញត្តិ​កំពូល នៃ​ព្រះរាជាណាចក្រ​កម្ពុជា ធ្វើ​ឲ្យ​អំណាច​រដ្ឋប្រព្រឹត្តទៅបាន​ល្អប្រសើរ ដែលជា​មូលដ្ឋាន​នៃ​រដ្ឋធម្មនុញ្ញ និង​ប្រជាធិបតេយ្យ​សេរី​ពហុបក្ស​។ ម្យ៉ាងទៀត តាមរយៈ​ស្ថាប័នព្រឹទ្ធសភា ប្រជាពលរដ្ឋ គណបក្សនយោបាយ អង្គការ​មិនមែន​រដ្ឋាភិបាល មានឱកាស​កាន់តែច្រើន ដើម្បី​សម្ដែង​យ៉ាង​ទូលំទូលាយ​នូវ​គោលនយោបាយ និង​បំណងប្រាថ្នា​របស់ខ្លួន ញ៉ាំង​ឲ្យ​របបរាជានិយម និង​លទ្ធិប្រជាធិបតេយ្យ​ កាន់តែ​មាន​ភាព​រីកចម្រើន​ពីមួយថ្ងៃ​ទៅមួយថ្ងៃ​។​

​ព្រះករុណា ព្រះបាទ សម្ដេចព្រះ​បរមនាថ នរោត្តម សីហមុនី បាន​មាន​ព្រះរាជបន្ទូល​បន្តថា ការកែទម្រង់​រដ្ឋ​ដ៏​ស៊ីជម្រៅ ត្រូវតែ​តម្រូវ​ឲ្យ​មានច្បាប់ ព្រមទាំង​ការគោរព​ប្រតិបត្តិ​ច្បាប់​ឲ្យ​បានល្អ​ប្រពៃ សម្រាប់​ទ្រទ្រង់​ដល់​សង្គម ការអភិវឌ្ឍ សន្តិភាព ការការពារ​អធិបតេយ្យភាព បូរណភាព​ទឹកដី វប្បធម៌​ ប្រពៃណី ទំនៀមទម្លាប់ សីលធម៌​ជាតិ រួមទាំង​បរិស្ថាន និង​ធនធានធម្មជាតិ​របស់​យើង​។ ស្ថិត​ក្នុង​បរិបទ​នេះ ព្រឹទ្ធសភាកំពុង​រួមចំណែក​ជាមួយ​រដ្ឋសភា ក្នុង​ការកសាង​ច្បាប់​ឲ្យ​កាន់តែ​ល្អ ដើម្បី​ឆ្លើយតប​ទៅនឹង​តម្រូវ​ការរួម​របស់​ប្រជាពលរដ្ឋ និង​ជាតិ​។​

​ព្រះមហាក្សត្របាន​មាន​ព្រះរាជបន្ទូល​បន្តថា ព្រឹទ្ធសភា​នីតិកាល​ទី​៣ ត្រូវ​បន្ត​រួមចំណែក​យ៉ាងសកម្ម​ថែមទៀត ក្នុងការ​ពូន​ជ្រុំ​ប្រជាធិបតេយ្យ​ភា​វូប​ពាណិជ្ជកម្ម​ថ្នាក់ជាតិ និង​ថ្នាក់មូលដ្ឋាន សម្រាប់​ការអភិវឌ្ឍ​សេដ្ឋកិច្ចសង្គម និង​ផលប្រយោជន៍​ទូទៅ​របស់​ប្រជាពលរដ្ឋ​គ្រប់​មជ្ឈដ្ឋាន​។ ឈរលើ​អត្តសញ្ញាណ​ជា​តំណាង​ផ្ទាល់​ឲ្យ​ក្រុមប្រឹក្សាឃុំ-សង្កាត់ ព្រឹទ្ធសភា​នីតិកាល​ទី​៣ ត្រូវខិតខំ​រួមចំណែក​អនុវត្ត​គោលនយោបាយ​វិមជ្ឈការ និង​សហវិមជ្ឈការ ដើម្បី​កាត់បន្ថយ​ភាព​ក្រក្រី​របស់​ប្រជាពលរដ្ឋ និង​គ្រប់​គ្រងសេដ្ឋកិច្ចសង្គម​វប្បធម៌​របស់​ប្រជាជន ប្រកបដោយ​សមធម៌ និង​គណនេយ្យភាព​ពិតប្រាកដ​។ ជាមួយគ្នា​នោះដែរ ព្រឹទ្ធសភា​ត្រូវ​ធានា​ការពារ​យុត្តិធម៌ និង​សិទ្ធិមនុស្ស ដើម្បី​បង្កើន​ឡើង​នូវ​សុខដុម​រមនា​យូរអង្វែង ​ក្នុងសង្គម​ជាតិ​យើង​។​


​ព្រះមហាក្សត្រ​បាន​ព្រះរាជបន្ទូល​ទៀតថា ប្រវត្តិសាស្ដ្រ​បាន​ចារឹកទុក​ថា ខ្មែរ​ជា​ប្រជាជាតិ​មួយ​ធ្លាប់​មានអរិយធម៌​ថ្កុំថ្កើង​រុងរឿង យើងទាំងអស់គ្នាជា​កូនចៅ​ជំនាន់​ក្រោយ ​ចាំបាច់​ត្រូវតែមាន​ឆន្ទៈ​រួបរួមគ្នា ធានា​ការពារ​ឯករាជ្យ​ជាតិ អធិបតេយ្យ និង​បូរណភាព​ទឹកដី នៃ​ព្រះរាជាណាចក្រ​កម្ពុជា ដើម្បី​អភិវឌ្ឍន៍​ប្រទេសជាតិឲ្យ​មានការ​រីកចម្រើន​លើ​គ្រប់​វិស័យ សំដៅ​ធ្វើ​ឲ្យ​មានការ​ឈានឡើង​ដោយ​ឆាប់រហ័ស​។​

​ក្រោយពី​ព្រះមហាក្សត្រយាង​ចូលរួម​បើក​សម័យប្រជុំ​ព្រឹទ្ធសភា​រួចមក អង្គប្រជុំ​ព្រឹទ្ធសភាបាន​បន្ត​សម័យប្រជុំ ដើម្បី​បោះឆ្នោត​ជ្រើសតាំង​ថ្នាក់ដឹកនាំ​ព្រឹទ្ធសភា រួមមាន ប្រធាន អនុប្រធាន​ទី​១ និង​អនុប្រធាន​ទី​២​។​

​អង្គប្រជុំ​នោះ ត្រូវ​ដឹកនាំ​ដោយ​លោក អ៊ុំ ម៉ា​ន្នូ​រី​ន ព្រឹទ្ធសមាជិក​ព្រឹទ្ធសភា ដែលមាន​អាយុ ៨៨ ឆ្នាំ​។ ក៏ប៉ុន្តែ​ដោយសារតែ​លោក​មាន​បញ្ហា​សុខភាព​មិនសូវ​ល្អ មិនបាន​ចូលរួម​កិច្ចប្រជុំ​នៅ​វគ្គ​ទី​២​ឡើយ​។​

​អង្គប្រជុំ​ព្រឹទ្ធសភា​នោះ ដឹកនាំ​ដោយ​សម្តេច​ជាស៊ីម ដែលមាន​អាយុ ៨០ ឆ្នាំ ដោយសារតែ​ព្រឹទ្ធបុរស មាន​ជំងឺ​។​

​អង្គ​ប្រជុំបាន​បោះឆ្នោត​ជ្រើសតាំង​សម្តេច ​ជា ស៊ីម ជា​ប្រធានព្រឹទ្ធសភា អាណត្តិ​ទី​៣ ដោយ​សំឡេងគាំទ្រ​ជាឯកច្ឆន្ទ ៦០ លើ ៦០​។ ចំណែក​លោក សាយ ឈុំ ត្រូវបាន​អង្គប្រជុំ បោះឆ្នោត​ជ្រើសតាំង​ជា​អនុប្រធាន​ទី​១ ព្រឹទ្ធសភា ដោយ​សំឡេង ៦០ លើ ៦០​។ រីឯ​តំណែង​អនុប្រធាន​ទី​២ ព្រឹទ្ធសភា មាន​លោក ទេព ង​ន មកពី​គណបក្ស​ប្រជាជន​កម្ពុជា និង​លោក គង់ គាំ ប្រធាន​ទី​ស្តី​គណបក្ស​សមរង្ស៊ី បាន​ឈរ​ជា​បេក្ខភាព​។ ប៉ុន្តែ​លទ្ធផល គឺ​លោក ទេព ង​ន ទទួលបាន​សំឡេងគាំទ្រ ៤៨ សំឡេង​។ រីឯ​លោក គង់ គាំ ទទួលបាន​ ១១ សំឡេង​។ ក្នុងការ​បោះឆ្នោត​នោះ មាន​សំឡេង​មិនបានការ ១​។ ដូច្នេះ​លោក ទេព ង​ន ជាប់​ជា​អនុប្រធាន​ទី​២ ព្រឹទ្ធសភា​។​

​សូម​រម្លឹកថា សមាជិក​ព្រឹទ្ធសភា នីតិកាល​ទី​៣ រយៈពេល ៦ឆ្នាំ ចាប់ពី​ឆ្នាំ​២០១២ ដល់​ឆ្នាំ​២០១៨ មាន​ចំនួន ៦១រូប​។ ក្នុងនោះ សមាជិក​ព្រឹទ្ធសភា ៥៧រូប បានមកពី​ការបោះឆ្នោត​តាម​លក្ខណៈ​អសកល កាលពី​ថ្ងៃទី​២៩ ខែមករា ឆ្នាំ​២០១២ ដោយ​គណបក្ស​ប្រជាជន​កម្ពុជាទទួលបាន ៤៦រូប និង​គណបក្ស​សមរង្ស៊ីទទួលបាន ១១រូប​។ ចំណែក​សមាជិក​ព្រឹទ្ធសភា ២រូប​ទៀត ត្រូវបាន​ជ្រើសតាំង​ដោយ​ព្រះមហាក្សត្រ គឺ​លោក អ៊ុំ ម៉ា​ន្នូ​រី​ន មាន​អាយុ ៨៨ឆ្នាំ ដែលជា​ព្រឹទ្ធបុរស មាន​អាយុ​ច្រើនជាងគេ​នៅ​ព្រឹទ្ធសភា និង​លោក អៀវ បណ្ណាការ​។ រីឯ​សមាជិក​ព្រឹទ្ធសភា ២រូប​ផ្សេងទៀត ត្រូវ​ជ្រើសតាំង​ដោយ​រដ្ឋសភា នោះ​គឺ​សម្តេច​រាជបុត្រី​ព្រះរៀម នរោត្តម បុប្ផា​ទេវី និង​សម្តេច ស៊ីសុវត្ថិ ជីវ័ន​មុនី​រ័ក្ស​៕