 |
| លោក កឹម សុខា ប្រធានគណបក្សសិទ្ធិមនុស្សក្នុងសន្និសីទពីម្សិលមិញ។ រូបថត ចរិយា |
 |
| លោក សម រង្ស៊ី ដែលកំពុងរស់នៅនិរទេសនៅប្រទេសបារាំង។ រូបថត Bloomberg |
Tuesday, 05 June 2012 14:03
ឃុត សុភចរិយា និង Stuart White
The Phnom Penh Post
ភ្នំពេញៈ គណបក្សប្រឆាំងពីរ ដែលមានអាសនៈក្នុងរដ្ឋសភា បានបោះដៃរកគ្នាជាថ្មីទៀត ក្នុងការច្របាច់បញ្ចូលគ្នា ឲ្យក្លាយទៅជាគណបក្សប្រឆាំងធំមួយ ខណៈដែលលទ្ធផលនៃការបោះឆ្នោតឃុំ សង្កាត់ បានបង្ហាញថា គណបក្សប្រជាជនកម្ពុជាកាន់អំណាច បានឈ្នះឆ្នោតភ្លូកទឹកភ្លូកដី ហើយការបែកខ្ញែកគ្នា បានធ្វើឲ្យគណបក្សប្រឆាំងខាតបង់។
លោក កឹម សុខា ប្រធានគណបក្សសិទ្ធិមនុស្ស បានថ្លែងនៅក្នុងសន្និសីទកាសែតមួយ កាលពីម្សិលមិញថា ការច្របាច់បញ្ចូលគ្នារវាងគណបក្សប្រឆាំងទាំងពីរ គឺជាការចាំបាច់ ដើម្បីប្រជែងយកអាសនៈសភា ពីគណបក្សប្រជាជន នៅក្នុងការបោះឆ្នោតជាតិ អាណត្តិទី ៥ ដែលនឹងប្រព្រឹត្តទៅនៅថ្ងៃទី ២៨ ខែកក្កដា ឆ្នាំ២០១៣ ខាងមុខនេះ។ លោក កឹម សុខា ដែលគណបក្សសិទ្ធិមនុស្សរបស់លោក អាចនឹងទទួលបានជ័យជម្នះ នៅក្នុងឃុំ ចំនួន ១៨ នោះបានមានប្រសាសន៍ថា៖ «ក្រោយពីលទ្ធផលបោះឆ្នោតឃុំសង្កាត់អាណត្តិទី ៣ ត្រូវបាន [គ.ជ.ប] ប្រកាសជាផ្លូវការ ខ្ញុំនឹងបោះដៃទៅរកគណបក្ស សម រង្ស៊ី មុន ដើម្បីចរចាបង្រួបបង្រួមគ្នា»។ លោកបានបន្តទៀតថា៖ «កន្លងមកគណបក្ស សម រង្ស៊ី តែងតែមើលស្រាលថា គណបក្សសិទ្ធិមនុស្ស មិនអាចទៅមុខរួច មិនអាចមានការគាំទ្រច្រើនទេ ដែលជាលេស មិនចង់រួបរួមជាមួយយើង ប៉ុន្តែឥឡូវនេះ យើងឃើញហើយ សំឡេងប្រហាក់ប្រហែលគ្នា»។
ការច្របាច់គណបក្សប្រឆាំងទាំងពីរបញ្ចូលគ្នា គឺជាបំណងប្រាថ្នា របស់ប្រជាពលរដ្ឋខ្មែរភាគច្រើន ដែលមាននិន្នាការមិនស្របនឹងរដ្ឋាភិបាល។
គណបក្សសម រង្ស៊ី ហាក់ដូចជាបានដើរមួយជំហានហើយ ក្នុងការឆ្ពោះទៅរកការបង្រួបបង្រួមគណបក្សប្រឆាំងទាំងពីរ ដែលបានជាប់គាំង បន្ទាប់ពីមានការជួបចរចាគ្នាជាច្រើនលើក ចាប់តាំងពីក្រោយការបោះឆ្នោតជាតិឆ្នាំ ២០០៨ មកនោះ។
នៅក្នុងសេចក្តីអំពាវនាវមួយ កាលពីម្សិលមិញ គណបក្សសមរង្ស៊ី សូមឲ្យសមាជិកក្រុមប្រឹក្សាឃុំសង្កាត់ របស់គណបក្សសិទ្ធិមនុស្ស រួបរួមជាមួយសមាជិកសមាជិការ ក្រុមប្រឹក្សាឃុំ សង្កាត់ គណបក្សសមរង្ស៊ី ក្នុងការធ្វើសេចក្តីសម្រេចកម្រិតមូលដ្ឋានមួយចំនួន។ សេចក្តីអំពាវនាវ ដែលចុះហត្ថលេខា ដោយលោក គង់ គាំ ប្រធានស្តីទីគណបក្សនេះ បានលើកឡើងថា ការរួបរួមគ្នានេះ គឺដើម្បី«ប្តូរមេភូមិមួយចំនួន តាមឆន្ទៈប្រជាពលរដ្ឋ ទប់ស្កាត់ការរឹបអូសយកដីធ្លីរបស់ប្រជាពលរដ្ឋដោយខុសច្បាប់ ការលុបបំបាត់អំពើពុករលួយ នៅថ្នាក់មូលដ្ឋាន ការ ការពារទ្រព្យសម្បត្តិសាធារណៈ និងទប់ស្កាត់អំពើអយុត្តិធម៌ ដែលអ្នកមានអំណាចមួយចំនួន កំពុងប្រព្រឹត្តលើប្រជាពលរដ្ឋ។ល។»
នៅពេលត្រូវបានទាក់ទង តាមទូរស័ព្ទ ពីទីកន្លែងដែលកំពុងរស់នៅនិរទេស ក្នុងប្រទេសបារាំង លោកសម រង្ស៊ី បានថ្លែងថា លោកនឹងមិនប្រឆាំងទៅនឹងអ្វីក៏ដោយ នៃបំណងដែលចង់ឲ្យអ្នកប្រជាធិបតេយ្យរួបរួមគ្នានេះទេ ប៉ុន្តែត្រូវតែធ្វើការពិភាក្សាគ្នា រិះរកវិធីល្អបំផុត ដើម្បីសម្រេចគោលដៅនេះ។ លោក បានថ្លែងថា៖ «ខ្ញុំបានវិភាគលទ្ធផលនៃការបោះឆ្នោត ហើយវាមិនអាក្រក់ដូចអ្នកខ្លះនិយាយនោះទេ។ ពិតណាស់ តុល្យភាពនៃអំណាច បានផ្លាស់ប្តូរទៅរកក្រុមប្រជាធិបតេយ្យ។ វាមិនមែនគ្រាន់តែថា គណបក្សសម រង្ស៊ីឈ្នះ ២២ ឃុំ និងគណបក្សសិទ្ធិមនុស្សឈ្នះ ១៨ ឃុំ នោះទេ វាគឺថា គណបក្សប្រឆាំងមានសំឡេងភាគច្រើនបំផុត នៅក្នុងឃុំចំនួន ១០០»។ លោកបានបន្តថា តុល្យភាពនៃអំណាច គឺឆ្លុះបញ្ចាំងនៅក្នុងសំឡេងភាគច្រើនបំផុត ហើយសំឡេងភាគច្រើនបំផុត គឺជាអ្វីដែលអាចត្រូវបានបង្កើតឡើងបាន។
មេបក្សប្រឆាំងរូបនេះ បានថ្លែងកាលពីម្សិលមិញថា៖ «យើងត្រូវតែមាននិតិវិធីរឹងមំាមួយ សម្រាប់គណបក្សប្រឆាំងធ្វើការរួមគ្នា។ មិនមែនរួមកម្លាំងគ្នា តែជាមួយសម្តីនោះទេ ប៉ុន្តែត្រូវរួមកម្លាំងគ្នា ជាមួយនឹងឯកសារ»។
លោក សម រង្ស៊ី បានលើកឡើង នូវជំហានយុទ្ធសាស្ត្រដំបូងរបស់លោកថា នៅក្នុងប្រទេសកម្ពុជា មេភូមិ គឺដូចនឹងស្តេចត្រាញ់តូចមួយ នៅក្នុងឃុំរបស់ពួកគេ ហើយពួកគេ បានទទួលរងឥទ្ធិពលយ៉ាងអាក្រក់ ដើម្បីបម្រើគណបក្សប្រជាជនកម្ពុជា ដែលនេះ ក្រុមប្រឹក្សាឃុំ សង្កាត់ គណបក្សសម រង្ស៊ី និងគណបក្សសិទ្ធិមនុស្ស ត្រូវតែរួមសហការគ្នា ដើម្បីប្តូរមេភូមិទាំងនេះចេញ។
លោក សម រង្ស៊ី បានបន្តទៀតថា នេះគឺជាពេលវេលាត្រឹមត្រូវ ក្នុងការចាប់ផ្តើមធ្វើការងារជាមួយគ្នា ចាប់ពីថ្នាក់មូលដ្ឋាន ហើយប្រសិនបើគណបក្សទាំងពីរ ធ្វើការល្អជាមួយគ្នា នៅមូលដ្ឋាន នោះនឹងមានជំហានដទៃផ្សេងទៀត ដែលនឹងអាចឆ្ពោះទៅរកការរួបរួមគ្នា។
លោក សម រង្ស៊ី ក៏បានថ្លែងផងដែរថា លោកមានសេចក្តីរីករាយ ដែលឃើញ គណបក្សសិទ្ធិមនុស្ស បានកៅអីជំនួសគណបក្សហ៊្វុនស៊ិនប៉ិច និងគណបក្សនរោត្តម រណឫទ្ធិ ដែលមានសម្ព័ន្ធភាពស្អិតល្មួត ជាមួយគណបក្សប្រជាជនកម្ពុជា។ ប៉ុន្តែយ៉ាងណាក៏ដោយ លោក សម រង្ស៊ី បានបញ្ជាក់ថា ការនិយាយពីការច្របាច់បញ្ចូលគ្នារវាងគណបក្សប្រឆាំងទាំងពីរ នៅពេលនេះវាហាក់បីដូចជាលឿនពេក។
លោក ជាម យៀប តំណាងរាស្ត្រមកពីគណបក្សប្រជាជនកម្ពុជា បានថ្លែងថា លទ្ធផលបោះឆ្នោតឃុំ សង្កាត់អាណត្តិទីបីនេះ គណបក្សប្រជាជនកម្ពុជាឈ្នះបាន ១៥៩១ លើ ១៦៣៣ ឃុំ សង្កាត់ទូទាំងប្រទេស។ លោកបានបន្ថែមថា លទ្ធផលនេះ បង្ហាញថា ពលរដ្ឋកម្ពុជា បានយល់ច្បាស់ ពីកិច្ចខិតខំប្រឹងប្រែងរបស់គណបក្សប្រជាជនយ៉ាងពិតប្រាកដ ក្នុងការអភិវឌ្ឍ សេដ្ឋកិច្ច សង្គម និងប្រឆាំងការវិលត្រឡប់ជាថ្មី នៃរបបប្រល័យពូជសាសន៍ប៉ុលពត។ លោកថ្លែងថា៖«យើងមានគ្រឹះតាំងពីមូលដ្ឋាន ដ៏រឹងមាំ ដូច្នេះយើងមិនខ្លាចរអា គណបក្សណាមួយឡើយ បើទោះជាគណបក្សទាំងនោះ រួបរួមគ្នាតែមួយ ហើយនៅកម្ពុជាសល់តែគណបក្សពីរ ដូចនៅអាមេរិកក្ដី»។
ប៉ុន្តែ លោក សម រង្ស៊ី បានបញ្ជាក់ថា អ្នកចាញ់ពិតប្រាកដនៅក្នុងការបោះឆ្នោតនេះ គឺគណបក្សប្រជាជន ដោយសម្អាងថា៖«ពីព្រោះនៅពេលគណបក្សសិទ្ធិមនុស្ស និងគណបក្ស សម រង្ស៊ី រួមបញ្ចូលជាមួយគ្នា នឹងមានសំឡេងប្រឆាំងទៅនឹងមេឃុំរបស់គណបក្សប្រជាជន ដោយសារយើងនឹងអាចធ្វើឲ្យពួកគេជាប់គាំងបាន»។
អ្នកវិភាគឯករាជ្យ បាននិយាយដោយមិនចំពោះ តែគណបក្សប្រឆាំងទាំងពីរនេះទេ ដែលត្រូវតែពិចារណា ពីការច្របាច់បញ្ចូលគ្នានោះ គឺសំដៅទៅគ្រប់គណបក្សនយោបាយទាំងអស់ ដែលមាននិន្នាការមិនស្របនឹងរដ្ឋាភិបាលផងដែរ ដែលចាំបាច់ត្រូវតែច្របាច់បញ្ចូលគ្នា ឲ្យក្លាយទៅជាគណបក្សធំមួយ។
លោកបណ្ឌិត សុខ ទូច អ្នកវិភាគឯករាជ្យ បានមានប្រសាសន៍ថា លទ្ធផលបោះឆ្នោតឃុំ សង្កាត់ អាណត្តិទី ៣ នេះ បានបង្ហាញយ៉ាងច្បាស់ហើយថា គណបក្សប្រឆាំងទាំងអស់ បានចាញ់ ដែលការចាញ់នេះ មានកត្តាមួយចំនួន ដូចជា អ្នកគាំទ្រ មានការពិបាក ក្នុងការសម្រេចចិត្ត ថាតើត្រូវបោះឆ្នោតឲ្យគណបក្សប្រឆាំងមួយណា ចោលមួយណា? កង្វះធនធានក្នុងពេលឃោសនា ការវាយប្រហារពាក្យសម្ដីលើបក្សប្រឆាំងដូចគ្នា...ជាដើម។
លោកបានថ្លែងថា៖ «បើសិនជាគណបក្សទាំងនោះ មានគោលដៅរួមតែមួយ ដើម្បីភាពរីកចម្រើនរបស់ប្រទេសជាតិ និងប្រជាជន គឺវាល្មមដល់ពេលដែលគណបក្សប្រឆាំងតូចធំទាំងអស់ត្រូវរួបរួម គ្នាហើយ។ តែបើពុំនោះទេ គណបក្សទាំងនេះ គ្រាន់តែជាអ្នកដែលជួយកំដរលទ្ធិប្រជាធិបតេយ្យនៅកម្ពុជាប៉ុណ្ណោះ »៕ PS
រាយការណ៍បន្ថែម សូ វិសាល
5 comments:
Bravo! Bravo! SRP and HRP!
MAY GOD BLESS BOTH PARTIES!
ខ្មែររួបរួមគ្នា ខ្មែររស់ ខ្មែរបែកបាក់គ្នា ខ្មែរស្លាប់
អាប់យសសក្តិ ប្រទេសជិតខាងមើលងាយ ដោយ
ខ្មែរគ្មានដីជ្រកកោន។តែការរួបរួមគ្នាក៏មិនធ្វើទាំង
ងងឹតងងល់ខ្វះការពិចារណា មិនចាញ់ល្បួងពួក
បិសាចហាណូយទៀតឡើយ។
រាស្ត្រខ្មែរទាំងក្នុងទាំងក្រៅសូមថ្លែងនូវការសរសើរ
ដោយស្មោះចំពោះឯកឧត្តមមេគណបក្សដែលមាន
មនសិក្ការជាតិពិតនិងសូមចូលរួមចំណែកយ៉ាងប្រ
កៀកដើម្បីវាយកំទេចសត្រូវចោរយួនឈ្លានពានឱ្យ
វិនាសអន្តរធានចេញពីកម្ពុជាដោយឆាប់រហ័សបំផុត។
គិតហើយ សឹមគូ ទប់ជំហរឱ្យនឹងនរ សឹមបោះជើង
បន្តទៅមុខ យើងនឹងអាចដល់គោលដៅដោយជោគ
ជ័យ៕
ភ្លេចខ្សែឣាតសំលេង រវាងកឹមសុខា និងសម្ដេចតេជោនៅ... បើរួបរួមនឹងកឹមសុខា ដូចឣោបសត្វខខ្លានឹងដើមទ្រូង...វានឹងហែកស៊ីគ្រប់ពេលវាឃ្លាន...
HRP always willing to merge and Kem Sokha always willing to let Rainsey be the president of the new party. It doesn't matter of how anyone would look at it, SRP or HRP can not win over CPP alone, that is just not possible. SRP is weak right now, they didn't even retain their communes this past election. SRp needs to see a bigger picture and that is to give up the individual ego and join hands to help save out country. There is no other ways to put it. How could you be strong and how could people will vote for you, when your leader is in exile, of course there are hardcore supporters that don't see it like i do, but in politic, especially in Cambodia politic at the current situation, you got to tea up in order to defeat or stay very competitive with the CPP. I hope SRP will re adjust their attitude and will merge with HRP.
It's time to merge (before it's too late). There are no real evidence or solid proof that Kem Sokha is Hun Xen's. All accusations are just the speculation only. Kem Sokha did nothing wrong yet.
HRP+SRP> CPP.
This is a simple rule. Why Rainsy cannot see that?
Set aside your personal differences, self-esteem, and ego. Don't come up with all the excuses, be yourself and take the lead.
Just fight the same enemy, Hun Xen/Youns. Once HRP & SRP win, you could compete for your own fame later.
HRP+SRP>CPP (Trust me)
Post a Comment