គណបក្សសង្គ្រោះជាតិ បានចេញសេចក្ដីថ្លែងការណ៍មួយនៅល្ងាចថ្ងៃទី៣០ តុលា ថា ការដោះស្រាយភាពទាល់ច្រកនយោបាយនៅកម្ពុជា រវាងគណបក្សសង្គ្រោះជាតិ និងគណបក្សប្រជាជនកម្ពុជា បច្ចុប្បន្ន ត្រូវដោះស្រាយដោយសន្តិភាពគ្មានអំពើហិង្សា។
RFA/Mom Sophon |
ដោយ កែវ និមល 2013-10-30
សេចក្ដីថ្លែងការណ៍របស់គណបក្សសង្គ្រោះជាតិ បានបញ្ជាក់ថា ដើម្បីបង្ហាញពីភាពច្បាស់លាស់ក្នុងការជួបជជែកគ្នារវាងគណបក្សនយោបាយដែលឈ្នះឆ្នោតទាំង២ ក្នុងពេលខ្លីខាងមុខនេះ គណបក្សសង្គ្រោះជាតិ នឹងទាក់ទងជាមួយគណបក្សប្រជាជនកម្ពុជា ដើម្បីជួបជជែកគ្នាឡើងវិញតាមខ្សែរយៈដែលសមស្របរបស់គណបក្សនយោបាយទាំង២។
សេចក្ដីថ្លែងការណ៍របស់គណបក្សសង្គ្រោះជាតិ បានបង្ហាញដែរថា ការជួបចរចាគ្នានេះ គឺផ្ដោតទៅលើភាពមិនប្រក្រតីនៃលទ្ធផលការបោះឆ្នោត។ ក្រៅពីនោះ មានការកែទម្រង់យន្តការបោះឆ្នោតដោយទាមទារឲ្យមានការលាលែងពីតំណែងរបស់គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប។
លោក យ៉ែម បុញ្ញឫទ្ធិ អ្នកនាំពាក្យរបស់គណបក្សសង្គ្រោះជាតិ មានប្រសាសន៍នៅថ្ងៃទី៣០ តុលា ថា ការយល់ព្រមកែទម្រង់លើយន្តការបោះឆ្នោតមានភាពសំខាន់៖ «អ្វីសំខាន់បំផុតនោះ ដែលត្រូវជជែកគ្នា គឺនៅលើបញ្ហាបោះឆ្នោតនោះតែម្ដង។ ដូចជាការបង្កើតគណៈកម្មាធិការស៊ើបអង្កេតដើម្បីរកមើលថា តើភាពមិនប្រក្រតីនោះកើតឡើងលើចំណុចណាខ្លះ? ហើយយើងយកទៅធ្វើកំណែទម្រង់របៀបណា ហើយយើងចង់រៀបវេទិកាសាធារណៈ ដែលរាជរដ្ឋាភិបាលលោកប្រកាសនោះ វាគ្មានប្រសិទ្ធភាពទេ ពីព្រោះអនុសាសន៍មួយចំនួននោះ គេបានផ្តល់រួចមកហើយ។ ហើយមួយទៀត ក្នុងនាមអ្នកដឹកនាំ កាលណាមានកំហុសធ្ងន់ធ្ងរ ត្រូវលាលែងពីតំណែង។ ដូច្នេះ គ.ជ.ប ត្រូវលាលែងចុះចេញពីតំណែង»។
លោក យ៉ែម បុញ្ញឫទ្ធិ បញ្ជាក់បន្ថែមថា ការជួបចរចាគ្នានោះ មិនទាន់កំណត់ថ្ងៃនៅឡើយទេ ប៉ុន្តែគេត្រូវមានការពិភាក្សាច្បាស់លាស់លើបញ្ហានានា និងលើការកែទម្រង់ គ.ជ.ប ជាមុនសិន ទើបបានពិនិត្យលើការចូលរួមប្រជុំក្នុងសភា៖ «គឺក្នុងន័យថា ឲ្យមានកិច្ចព្រមព្រៀងលាយលក្ខណ៍អក្សរលើការកែទម្រង់នោះហើយ បេក្ខជនជាប់ឆ្នោតរបស់គណបក្សសង្គ្រោះជាតិ ចូលស្បថ និងចូលបំពេញការងារ។ ពីព្រោះយើងមិនអាចចូលស្បថហើយមិនទាន់មានអ្វីជាលាយលក្ខណ៍អក្សរជាកិច្ចព្រមព្រៀងក្នុងការធ្វើកំណែទម្រង់ទាំងអស់នោះទេ។ ចំណុចនេះ ខ្ញុំសង្កេតឃើញថា គណបក្សប្រជាជនប្រហែលជាយល់ច្រឡំ។ ចង់ចូលស្បថសិនបានចូលបំពេញការងារដើម្បីផ្លាស់ប្ដូរ គ.ជ.ប។ នីតិវិធីនេះយើងបានយល់ហើយ។ តែសំខាន់បំផុត គឺមានកិច្ចព្រមព្រៀងមួយច្បាស់លាស់ តើគេចង់ធ្វើរបៀបណា ពេលវេលាណាខ្លះ? ឲ្យពិតប្រាកដជាមួយគ្នា ដើម្បីឲ្យដូចពាក្យថា យើងអាចអនុវត្តទៅតាមកិច្ចព្រមព្រៀងដើម្បីកែទម្រង់ទៅបាន»។
លោកឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ស ខេង ដែលជាតំណាងគណបក្សប្រជាជនកម្ពុជា ក្នុងការទាក់ទងរវាងជាមួយគណបក្សសង្គ្រោះជាតិ មានប្រសាសន៍នៅថ្ងៃទីថ្ងៃទី៣០ តុលា ថា លោកមិនទាន់បានទទួលសំណើសុំជួបចរចាឡើងវិញរបស់គណបក្សសង្គ្រោះជាតិនៅឡើយទេ៖ «ប៉ុន្តែមកទល់ពេលនេះ អត់ទាន់មានអីទេ។ អត់ទាន់មានការទាក់ទងគ្នាដើម្បីណាត់ពេលវេលាណា»។
សេចក្ដីថ្លែងការណ៍របស់គណបក្សសង្គ្រោះជាតិ បានបញ្ជាក់ថា ការស្នើជួបចរចារវាងគណបក្សសង្គ្រោះជាតិ និងគណបក្សប្រជាជនកម្ពុជា លើបញ្ហាកែទម្រង់យន្តការបោះឆ្នោតនេះ មិនជាប់ទាក់ទងជាមួយរឿងពហិការរបស់គណបក្សសង្គ្រោះជាតិ ក្នុងការចូលរួមប្រជុំសភានោះឡើយ។
គណបក្សប្រជាជនកម្ពុជា និងគណបក្សសង្គ្រោះជាតិ បានជួបប្រជុំគ្នាចំនួន ២ លើករួចមកហើយ កាលពីថ្ងៃទី១៦ និង ១៧ កញ្ញា កន្លងទៅ។ ការជួបគ្នាចរចានោះមិនបានលទ្ធផលទេ ដោយគណបក្សប្រជាជនកម្ពុជា មិនយល់ព្រមប្រគល់តំណែងក្នុងក្បាលម៉ាស៊ីនរដ្ឋសភាឲ្យទៅគណបក្សសង្គ្រោះជាតិ ដូចការទាមទារ។ ក្រោយពីមិនចុះសម្រុងគ្នា គណបក្សប្រជាជនកម្ពុជា បានសម្រេចកោះប្រជុំសភាឯកបក្ស និងបង្កើតរដ្ឋាភិបាលមួយតាមច្បាប់ធម្មនុញ្ញបន្ថែម។ គណបក្សសង្គ្រោះជាតិ បានហៅការប្រជុំសភាដំបូង និងការបង្កើតរដ្ឋាភិបាលនោះថា អធម្មនុញ្ញភាព៕
2 comments:
៥៥ យកមិនយក?៥៥ យកមិនយក?៥៥ យកមិនយក?
ទោះជាពួកអាអស់ឯងខំប្រឹងស្រែក ធ្វើមហាតបាតុកម្ម ឬ មហាតបាតុកម្មសូត្រធម៌,,,,, មហាតបាតុកម្មស្មូត្រ, មហាតបាតុកម្មភាវនា, មហាតបាតុកម្មសមាធិ, លុតជង្គុង ក្រាបទូល
ក្រោមល្អងធូលីព្រះបាទ, ប្តឹងទៅតុលាការ ឬ ចង់ប្តឹងទៅអង្គការសហប្រជាជាតិជាមួយការ ដង្ហែស្នាមមេដៃ ឲ្យបែកមេឃ រញ្ជួយផែនដីទៀត
ក៍ផែនដីនេះមិនទាន់ដល់វេនពួកអាអស់ឯងដែរ នៅមានឯកឧត្ដមបណ្ឌិត
ហ៊ុន ម៉ាណែត ហ៊ុន ម៉ានិត ទៀត ។ល។ និង។ល។
ផែនដីនេះមិនអាចមាន ព្រះអាទិត្យពីររះលើផែនដីតែមួយបានឡើយ។
ចេះច្បាប់បោះឆ្នោតទេ? ចេះគណិតសាស្ដ្រទេ? ៥០+១ = ១២៣/២=៦១.៥+១=៦២.៥
លេខចេញយ៉ាងច្បាស់ចាញ់ហើយ មិនព្រមចាញ់ទៀត
ត្រូវចាំណា សមេ្តចបណ្ឌិតអគ្គមហាសេនាបតីតេជោ ហ៊ុន សែន វរ្ម័នទី១ មិនមែនជាមនុស្សលោកទេ សមេ្តចជាព្រះបាទ ហ៊ុន ទៀន ចាប់ជាតិ សមេ្តចជាព្រះបាទធម្មិក សមេ្តចជាព្រះអាទិទេព សមេ្តចជាទេវតារស់មកសង្គ្រោះប្រជាជនកម្ពុជា និងប្រទេសកម្ពុជាឱ្យ សម្បូរសប្បាយ រង់រឿង និងសុខក្សេមក្សាន្ដ!!!
សមេ្តចជាព្រះអាទិត្យតែមួយ រះលើផែនដីនេះ...។
ជយោ! សមេ្តចបណ្ឌិតអគ្គមហាសេនាបតីតេជោ ហ៊ុន សែន វរ្ម័នទី១ ជាទេវតានៃកម្ពុជា!!!
បរាជ័យ! ពួកអាខ្មែរក្បត់ជាតិរត់ចោលស្រុក!
បរាជ័យពួកអាសត្វឆ្កែបរទេស (!!)
បរាជ័យពួកអាកាកសំណល់បាតសង្គម (!!)
ពីអញ
ហ្ការី អ៊ឹង
សមាគមខ្មែរឡុងប៉ិចរដ្ឋកាលីហ្វ័រញ៉ា និងជា
បេក្ខជន ស្ថានកុងស៊ុលខ្មែរប្រចាំឡុងប៉ិចរដ្ឋកាលីហ្វ័រញ៉ា
ខ្ញុំជូនចំពោះអស់លោក មេដឹកនាំខ្មែរជាទីគោរព!
សូមមេតាក្រឡេកមើល ប្រជាពលរដ្ឋខ្មែរផង បើមុននឹងធ្វើការអភិវឍ្ឍន៍អ្វីៗ៖
លោកឃើញទេ ពេលលោកធ្វើផ្លូវ គ្រប់គ្រងដោយបរទេស បំណុលមិនទាន់សង ផ្លូវក៏ត្រូវរលាយខូចអស់!
ពេលលោកបង្កើតឲ្យមានរោងចក្រ ពលករខ្មែរពុំមានការបច្ចេកទេស ដែលអាចទទួលយកការងារទាំងនោះបាន!
ពេលលោកកាប់ឈើ លោកលក់ទៅឲ្យបរទេស ពុំមានការឆ្នៃប្រឌិត ដែលអាចឲ្យមានការងារ សម្រាប់ពលរដ្ឋខ្មែរ!
ឡោនិសាទ ឧទ្យានជាតិ ដីរ៉ែ ដីសមទាន សម្បត្តិជាតិ ដូចអង្គវត្ត។ល។ សុទ្ធតែគ្រប់គ្រងដោយបរទេស។
អស់លោក គួរតែបណ្ដុះបណ្ដាលពលរដ្ឋរបស់ខ្លួន ហើយអភិវឍ្ឍន៍អ្វីៗដោយប្រើប្រាស់ធនធានមនុស្សខ្មែរទៅតាមសម្រួល មិនមែនធ្វើអ្វីឲ្យខាងតែបានទាំងកំហ៊ុក ហើយអាងដោះសារថា៖ "យកអ្នកបច្ចេកទេសមក ព្រោះមនុស្សខ្មែរពុំមានតាមតម្រូវការ"
សូមមេតាបញ្ឈប់ធ្វើអ្វីៗទាំងបង្ខំ ផលប្រយោជន៍បានទៅបរទេស បំណុលកូនខ្មែរជាអ្នកសងយ៉ាងនេះទៀតទៅ!
Post a Comment