 |
| កម្មករដួលសន្លប់ ត្រូវបានបញ្ជូនមកសម្រាកនៅមន្ទីរពេទ្យ ពេលកន្លងមក។ រូបថត ភ្នំពេញ ប៉ុស្តិ៍ |
កណ្តាលៈ កម្មករជាង ៥០ នាក់បានដួលសន្លប់កាលពីព្រឹកថ្ងៃព្រហស្បតិ៍នេះ នៅរោងកច្រ ឃីងហ្វឺស ២ ដែលមានទីតាំងនៅស្រុក អង្គស្នួល ខេត្ត កណ្តាល ខាងមន្ត្រីក្រសួងកំពុងចុះធ្វើការស៊ើបអង្កេតពីករណីដួលសន្លប់នេះ។
លោក ឃុត តូច ប្រធានសហជីពសេរីកម្មករប្រចាំរោងចក្របាននិយាយកាលពីព្រឹកនេះថា កម្មករបានដួលសន្លប់តៗគ្នាបន្ទាប់ពីធំក្លិនមិនល្អក្នុងកន្លែងធ្វើការ អំឡុងម៉ោង ៧:៣០ នាទី។
លោកបានថ្លែងថា៖ «យើងមិនទាន់ដឹងថាក្លិននោះចេញមកពីណាទេ ក្រុមការងារកំពុងធ្វើការស្រាវជ្រាវរក។ កម្មករដែលសន្លប់នោះបានបញ្ជូនទៅកាន់មន្ទីរពេទ្យឯកជន និងរដ្ឋភ្លាមៗដើម្បីធ្វើការជួយសង្រ្គោះ»។
លោក ឃុត តូច បាននិយាយទៀតថា កាលពីថ្ងៃពុធទី ២០ ខែវិច្ឆិកា ម្សិលមិញនេះកម្មករប្រមាណជា ១០០ នាក់បានរាគ និងចុកពោះដោយមិនដឹងមូលហេតុហើយពួកគេត្រូវបានអនុញ្ញាតឲ្យត្រលប់ទៅផ្ទះវិញភ្លាមៗដែរ។
No comments:
Post a Comment