Tuesday, November 05, 2013

ខ្មែរ​នៅ​បរទេស​រៃអង្គាស​លុយ​ជួយ​ស្ត្រី​ដែល​អះអាង​ថា​ដើរ​ពី​កំពង់ចាម​មក​ធ្វើ​បាតុកម្ម


RFA/Vann Vichar
ដំណឹង​អំពី​ភាព​កម្សត់​ទុរគត និង​ភាព​តស៊ូ​អត់ធ្មត់​របស់​ស្ត្រី​ម្នាក់​ដែល​បាន​អះអាង​ថា បាន​ដើរ​ពី​ខេត្ត​កំពង់ចាម មក​ចូល​រួម​បាតុកម្ម​ជាមួយ​បក្ស​សង្គ្រោះ​ជាតិ ក្នុង​រាជធានី​ភ្នំពេញ បាន​ធ្វើ​ឲ្យ​ពលរដ្ឋ​ខ្មែរ​នៅ​ឯ​នាយ​សមុទ្រ​ជា​ច្រើន​មាន​ការ​រំជួល​ចិត្ត​អាណិត​អាសូរ​ជា​ខ្លាំង។

ដោយ តាំង សារ៉ាដា 2013-11-04

ពលរដ្ឋ​ខ្មែរ​អាមេរិកាំង​ជា​ច្រើន​ពី​ទីក្រុង​ឡូវែល (Lowell) នៃ​រដ្ឋ​ម៉ាសាឈូសេត (Massachusetts) បាន​ស្រាក់​លុយ​គ្នា​ក្នុង​ពេល​ធ្វើ​ដំណើរ​មក​ចូល​រួម​ធ្វើ​បាតុកម្ម​នៅ​មុខ​អង្គការ​សហប្រជាជាតិ កាល​ពី​ថ្ងៃ​ទី​២៥ ខែ​តុលា កន្លង​ទៅ ដើម្បី​ផ្ញើ​ប្រាក់​ទាំង​នោះ​ទៅ​ឲ្យ​ស្ត្រី​ឈ្មោះ សៅ ពៅ។

បុរស​វ័យ​ចំណាស់​ម្នាក់​ដែល​មាន​រហស្សនាម​ថា តា អឿ បាន​ប្រាប់​វិទ្យុ​អាស៊ីសេរី ទាំង​អួល​ដើមក ទឹក​ភ្នែក​រលីងរលោង​ថា លោក​ស្លុត​ចិត្ត​សឹងតែ​ធ្លាក់​ពី​លើ​គ្រែ ពេល​បាន​ដឹង​ដំណឹង​ដ៏​សង្រេង​របស់​អ្នកស្រី សៅ ពៅ។

លោក​បន្ត​ថា លោក​នាំ​គ្នា​រៃ​អង្គាស​ថវិកា​បាន​មួយ​ចំនួន​ផ្ញើ​ទៅ​ឲ្យ​អ្នកស្រី សៅ ពៅ ដើម្បី​ទុក​ជា​សោហ៊ុយ​ក្នុង​ការ​ធ្វើ​ដំណើរ និង​អាច​ទិញ​អាហារ​ចិញ្ចឹម​កូនៗ​របស់​អ្នកស្រី៖ «ខ្ញុំ​ក្រោក​ឡើង​ទឹក​ភ្នែក អស្ចារ្យ​ម្ចាស់​ថ្លៃ! អស្ចារ្យៗ! ខ្ញុំ​ចង់​ទឹក​ភ្នែក​ក្មួយ។ ត្រង់​ចំណុច​មួយ​នោះ ម្ដាយ​កំពុង​តែ​ធ្វើ​បាតុកម្ម កូន​កំពុង​រើស (សំបក) ដប រើស​កំប៉ុង​យក​ទៅ​លក់។ រឿង​មួយ​ដែល​ខ្ញុំ​ឈឺ​ចាប់ គឺ​សុំ​ឡាន​គេ​ជិះ គេ​ថា​ឡាន​គេ​អត់​ចាក់​ទឹក​ទេ។ ម្ចាស់​ថ្លៃ​អ្ហើយ! ខ្ញុំ​ឮ​សូរ​ដូច្នេះ សឹង​ធ្វើ​ឲ្យ​ខ្ញុំ​លោត​ពី​លើ​គ្រែ​តែម្ដង...»។

អ្នកស្រី សៅ ពៅ អះអាង​ថា អ្នកស្រី​បាន​ដើរ​រយៈ​ពេល ២៣​ថ្ងៃ ក្នុង​ចម្ងាយ​ជាង ១០០​គីឡូម៉ែត្រ​ពី​ខេត្ត​កំពង់ចាម មក​ចូល​រួម​បាតុកម្ម​នៅ​ទីលាន​ប្រជាធិបតេយ្យ ក្នុង​រាជធានី​ភ្នំពេញ កាល​ពី​ថ្ងៃ​ទី​២៣ ខែ​តុលា។


ពេល​ចេញ​ដំណើរ​ពី​ស្រុក​កំពង់សៀម ខេត្ត​កំពង់ចាម ជាមួយ​កូន​បី​នាក់ អ្នកស្រី សៅ ពៅ វ័យ ៤៧​ឆ្នាំ​រូប​នេះ មាន​លុយ​តែ ៧​ពាន់​រៀល ចាន​៤ ស្លាបព្រា​៤ ឆ្នាំង​ពីរ និង​អង្ករ ៥​គីឡូក្រាម ព្រម​ទាំង​មុង ភួយ មួយ​សម្រាប់​ប៉ុណ្ណោះ។

ដៃ​ម្ខាង​ព​កូន​ស្រី​ពៅ អាយុ ៦​ឆ្នាំ ហើយ​ដៃ​ម្ខាង​ទៀត​កាន់​បង្វេច​ខោអាវ រី​ឯ​កូន​ប្រុស​អាយុ ១៣​ឆ្នាំ ជា​អ្នក​លី​មុង ភួយ និង​កន្ទេល ហើយ​រើស​អេតចាយ​ទុក​លក់​យក​ទិញ​ម្ហូប​តាម​ផ្លូវ ចំណែក​កូន​ប្រុស​អាយុ ១០​ឆ្នាំ ជា​អ្នក​ទូល​អង្ករ។

អ្នកស្រី សៅ ពៅ បាន​ប្រាប់​វិទ្យុ​អាស៊ីសេរី កាល​ពី​ថ្ងៃ​ទី​២៣ ខែ​តុលា ថា ការ​ខិតខំ​ចូល​រួម​បាតុកម្ម​ជាមួយ​បក្ស​ប្រឆាំង មិន​មែន​ដើម្បី​ប្រយោជន៍​ផ្ទាល់​ខ្លួន​របស់​អ្នកស្រី​ទេ ប៉ុន្តែ​ដើម្បី​ប្រយោជន៍​កូន​ចៅ​ទៅ​ថ្ងៃ​ក្រោយៗ​ទៀត។

ការ​ប្ដេជ្ញា​ចិត្ត​ខ្ពស់ និង​ការ​តស៊ូ​របស់​អ្នកស្រី សៅ ពៅ បាន​អង្រន់​ចិត្ត​ពលរដ្ឋ​ខ្មែរ​ស្ទើរ​គ្រប់​ទីកន្លែង​ឲ្យ​មាន​ការ​ចាប់​អារម្មណ៍​ជា​ខ្លាំង។ មនុស្ស​ជា​ច្រើន​ក៏​បាន​យក​បណ្ដាញ​ទំនាក់ទំនង​សង្គម​ហ្វេសប៊ុក (Facebook) ជា​វេទិកា​ក្នុង​ការ​សម្ដែង​ភាព​អាណិតអាសូរ និង​ការ​រៃអង្គាស​ថវិកា​ដើម្បី​ឧបត្ថម្ភ​ដល់​អ្នកស្រី សៅ ពៅ ព្រម​ទាំង​កូនៗ ទាំង​បី​នាក់។

លោក​តា ម៉ាន់ សារុន ជា​ពលរដ្ឋ​ខ្មែរ​ពី​ទីក្រុង​ឡូវែល រដ្ឋ​ម៉ាសាឈូសេត សហរដ្ឋ​អាមេរិក ថ្លែង​ថា ក្រុម​របស់​លោក​ប្រមូល​ថវិកា​បាន​ជិត ១​ពាន់​ដុល្លារ ផ្ញើ​ទៅ​ឲ្យ​អ្នក​ដែល​ធ្វើ​ដំណើរ​ថ្មើរ​ជើង ឬ​ជិះ​កង់​ពី​ខេត្ត​ឆ្ងាយៗ មក​ធ្វើ​បាតុកម្ម​ក្នុង​ទីក្រុង​ភ្នំពេញ កាល​ពី​ពេល​កន្លង​ទៅ៖ «ពួក​ខ្ញុំ​ដែល​មក​ពី​ខាង​ទីក្រុង​ឡូវែល បាន​រួម​លុយ​ទាំង​អស់​បាន​ចំនួន ៩៨០​ដុល្លារ​សហរដ្ឋ​អាមេរិក ដើម្បី​នឹង​ផ្ញើ​ទៅ​គាត់​ចំនួន​បី​នាក់។ លោក​តា​មួយ​ដែល​គាត់​ជិះ​កង់​មក​ពី​ខេត្ត​ក្រចេះ ដែល​គាត់​ពិការ​ជើង​ហើយ ខំ​ជិះ​កង់​មក​ទៀត ហើយ​ព្រម​ទាំង​អ្នកស្រី សៅ ពៅ ផង​ដែរ»។

ពលរដ្ឋ​ខ្មែរ​ម្នាក់​ទៀត​ពី​ទីក្រុង​ឡូវែល លោក សូ គៀល មាន​ប្រសាសន៍​ថា មនុស្ស​ជា​ច្រើន​មិន​ត្រឹម​នាំ​គ្នា​រៃ​អង្គាស​ថវិកា​ដោយ​ផ្ទាល់​មាត់​សម្រាប់​អ្នកស្រី សៅ ពៅ ប៉ុណ្ណោះ​ទេ តែ​ពួក​គេ​បាន​នាំ​រៃអង្គាស​ពី​តាម​អ្នក​លេង​បណ្ដាញ​ទំនាក់ទំនង​សង្គម​ហ្វេសប៊ុក​ទៀត៖ «ចំពោះ​អ្នកស្រី​មួយ​ដែល​នាំ​កូន​បី​នាក់​មក​ធ្វើ​បាតុកម្ម​នៅ​ទីលាន​ប្រជាធិបតេយ្យ ដែល​អាស៊ីសេរី សម្ភាស​ហ្នឹង​បាន​ធ្វើ​ឲ្យ​ពួក​យើង​នៅ​អាមេរិក មាន​ចិត្ត​អាណិត​ពួក​គាត់​ណាស់​រហូត​ដល់​ពួក​ខ្ញុំ​មក​ទីក្រុង​ញីវយ៉ក​នេះ បាន​អង្គាស​លុយ​ច្រើន ហើយ​នឹង​ផ្ញើ​ទៅ​ឲ្យ​អ្នកស្រី និង​កូន​បី​នាក់​ទៀត។ គាត់​ជា​នារី​ម្នាក់​ដែល​បោះ​ជំហាន​មុន​គេ សុខ​ចិត្ត​ដើរ​អស់​រយៈពេល ២៣​ថ្ងៃ ធ្វើ​ឲ្យ​ពលរដ្ឋ​ក្នុង​សហរដ្ឋអាមេរិក ក្ដុកក្ដួល​ក្នុង​ចិត្ត​ណាស់ គ្រប់ៗ​គ្នា។ ពេល​ជិះ​ឡាន​មក​ម្នាក់ៗ​ពេល​ឮ​គេ​សម្ភាស បាន​នាំ​គ្នា​ស្រក់​ទឹក​ភ្នែក​ដោយសារ​អាណិត​គាត់។ ក្រោយ​ពេល​គេ​បាន​ស្ដាប់​អាស៊ីសេរី និយាយ​ភ្លាម​មក ពួក​ខ្មែរ​នៅ​តាម​ហ៊្វេសប៊ុក បាន​ទាក់ទង​គ្នា​អង្គាស​លុយ​បាន​ចំនួន​ច្រើន ប៉ុន្តែ​ចំនួន​នេះ​នឹង​ធ្វើ​ការ​រៃ​អង្គាស​ត​ទៅ​ទៀត ដើម្បី​ជួយ​គ្រួសារ​ហ្នឹង​ទៅ​ថ្ងៃ​មុខ​ទៀត»។

ភាព​តស៊ូ​កម្សត់​ទុរគត​របស់​អ្នកស្រី សៅ ពៅ មិន​ត្រឹមតែ​បាន​ទាញ​ការ​ចាប់​អារម្មណ៍​ពី​ពលរដ្ឋ​ខ្មែរ​ក្នុង​ក្រុង​ឡូវែល ប៉ុណ្ណោះ​ទេ ប៉ុន្តែ​បាន​កន្ត្រាក់​បេះដូង​មនុស្ស​ជា​ច្រើន​ក្នុង​រដ្ឋ​កាលីហ្វ័រញ៉ា (California) ជា​ទី​ដែល​មាន​ពលរដ្ឋ​ខ្មែរ​ច្រើន​ជាង​គេ​កំពុង​រស់​នៅ​ថែម​ទៀត។

ពលរដ្ឋ​ខ្មែរ​ជា​ច្រើន​ក្នុង​ក្រុង​ឡងប៊ិច (Long Beach) នាំ​គ្នា​ប្រមូល​លុយ​បាន​ចំនួន​រាប់​រយ​ដុល្លារ​ដើម្បី​ឧបត្ថម្ភ​ដល់​អ្នកស្រី សៅ ពៅ ហើយ​អ្នក​ខ្លះ​ក៏​មាន​ទឹក​ចិត្ត​ចង់​សង់​ផ្ទះ​ឲ្យ​ថែម​ទៀត។

សកម្មជន​បក្ស​សង្គ្រោះ​ជាតិ ប្រចាំ​ក្នុង​ទីក្រុង​ឡងប៊ិច លោក ទិត្យ ទិព ផាន់ណា បាន​ថ្លែង​ប្រាប់​វិទ្យុ​អាស៊ីសេរី តាម​ទូរស័ព្ទ​កាល​ពី​ថ្ងៃ​អង្គារ ទី​២២ តុលា ថា លោក​បាន​បញ្ជូន​លុយ​ចំនួន ៦០០​ដុល្លារ​ទៅ​ដល់​ដៃ​របស់​ស្ត្រី​ឈ្មោះ សៅ ពៅ នោះ​ហើយ ក្រោយ​ពី​មនុស្ស​ជា​ច្រើន​បាន​ផ្អើល​អំពី​ព័ត៌មាន​នៃ​ការ​ធ្វើ​ដំណើរ​ដ៏​យូរ​ថ្ងៃ​របស់​ស្ត្រី​ក្រខ្សត់​ម្នាក់​នេះ៖ «មនុស្ស​គ្រាន់​តែ​ឮ​យើង​ប្រមូល​ផ្តុំ​គ្នា​ភ្លាម យើង​បាន​ប្រមូល​ជា​ទឹក​ប្រាក់​ចំនួន ៦០០​ដុល្លារ​សហរដ្ឋអាមេរិក។ ហើយ​ម្នាក់ៗ​ពេញ​ចិត្ត​ស្រឡាញ់​ចង់​ជួយ ដល់​ថ្នាក់​អ្នក​ខ្លះ​និយាយ​ថា ខ្ញុំ​ចង់​ផ្ញើ​លុយ​ទៅ​ជួយ​សង់​ផ្ទះ ពីព្រោះ​អាណិត​នាង​ណាស់ មិន​ដែល​មាន​អ្នក​ណា​នៅ​ក្នុង​លោក​នេះ​ហ៊ាន​តស៊ូ​ដើរ ២៣​ថ្ងៃ លក់​មាន់ លក់​ទា ហើយ​កូន​បី​នាក់ ខ្លះ​ដើរ​រើស​កំប៉ុង​លក់ ដើម្បី​យក​លុយ​មក​តស៊ូ​មតិ។ តើ​យើង​ដឹង​ថា កម្លាំង​ទឹក​ចិត្ត​ដែល​កំពុង​ស្រេក​ឃ្លាន​សេរីភាព​ប៉ុណ្ណា ហើយ​ថា តើ​គាត់​មាន​ការ​ពិបាក​ចិត្ត​ប៉ុណ្ណា​ជា​ស្ត្រី​ខ្មែរ​ម្នាក់​នេះ?»។

ក្នុង​អំឡុង​ការ​ធ្វើ​បាតុកម្ម​ចំនួន​បី​លើក​របស់​បក្ស​សង្គ្រោះ​ជាតិ ក្នុង​ការ​ស្វែង​រក​យុត្តិធម៌​ដល់​ម្ចាស់​ឆ្នោត​កន្លង​មក​នេះ គេ​ឃើញ​ពលរដ្ឋ​ខ្មែរ​មួយ​ចំនួន​បាន​លះបង់​ពេល​វេលា លុយកាក់ និង​សត្វ​ចិញ្ចឹម​របស់​ខ្លួន ដើម្បី​មក​ចូល​រួម​ធ្វើ​មហា​បាតុកម្ម​ជាមួយ​គណបក្ស​ប្រឆាំង​មួយ​នេះ។

ក្រៅ​ពី​អ្នកស្រី សៅ ពៅ ដែល​អះអាង​ថា ដើរ​ជាមួយ​កូន​បី​នាក់​ពី​ខេត្ត​កំពង់ចាម មក​ទីក្រុង​ភ្នំពេញ ក៏​មាន​អ្នក​ពិការ​ម្នាក់​សុខ​ចិត្ត​ជិះ​កង់​តាំង​ពី​ខេត្ត​ក្រចេះ មក​ភ្នំពេញ អ្នក​ខ្លះ​លក់​ស្រូវ លក់​មាន់ លក់​ទា លក់​ឆ្កែ ដើម្បី​យក​លុយ​ធ្វើ​សោហ៊ុយ​មក​ចូល​រួម​ធ្វើ​មហា​បាតុកម្ម​ក្នុង​ទីក្រុង​ភ្នំពេញ ក្នុង​ក្តី​សង្ឃឹម​ថា ការ​ចូល​រួម​របស់​ពួកគេ​អាច​នឹង​នាំ​អោយ​មាន​ការ​ផ្លាស់ប្ដូរ​ជីវភាព​ក្រ​លំបាក​តោកយ៉ាក​ដូច​សព្វ​ថ្ងៃ​នេះ​ទៀត។

ក្រុម​តំណាងរាស្ត្រ​បក្ស​ជំទាស់​ឲ្យ​ដឹង​ថា លុយ​ដែល​មនុស្ស​ជា​ច្រើន​បាន​បរិច្ចាគ​ឲ្យ​ស្ត្រី សៅ ពៅ រហូត​មក​ទល់​ពេល​នេះ​បាន​ចំនួន​ជាង ៣​ពាន់​ដុល្លារ ហើយ​លុយ​ទាំង​នោះ​ត្រូវ​បាន​ដាក់​បញ្ចូល​ទៅ​ក្នុង​គណនេយ្យ​ធនាគារ​ដើម្បី​ទប់​ស្កាត់​ពី​ការ​អំពើ​ចោរកម្ម ឬ​បាត់បង់​ដោយ​ប្រការ​ណា​មួយ៕

7 comments:

Anonymous said...

WAKE UP...WAKE UP...WAKE UP.

ខ្មែរមួយចំនួនខ្លះបានដឹងជាមុនហើយថា មិនយូរទេពួក
សម រង្ស៊ី និង កឹមសុខា នេះនិង
ដល់ពេលចូលក្នុង បន្ទប់ចរចារបែងចែកអំណាចនិងកៅអីអង្គុយហើយ .....

ហ៊ុន សែន ធ្លាប់ចង្អុលសួរ សម រង្ស៊ី ថា

៥៥ យកមិនយក? សម រង្ស៊ី យក សម្តេច
៥៥ យកមិនយក? សម រង្ស៊ី យក សម្តេច
៥៥ យកមិនយក? សម រង្ស៊ី យក សម្តេច
ពិតណាស់!
ពិតជាអស្ចារ្យណាស់!

សម រង្ស៊ី ជាមេដឹកនាំមហាបាតុកម្មបង្គ្រប់កិច្ចមែន....

អញ្ចឹងការសង្ឃឹមអំពីជ័យជម្នៈរបស់ពលរដ្ឋលើគណបក្សសង្គ្រោះជាតិ
គឺជាការសង្ឃឹមខ្យល់លើមេឃតែប៉ុណ្ណោះ!
ពួកនេះសុទ្ធតែជាពួកកាន់មាត់បាវអោយចោរ
និងជាអ្នកជួយទប់ជើងគ្រែអោយអា ហ៊ុន សែន!
ហើយពួកប្រឆាំងផ្កាប់មុខទាំងនេះគឺគ្មានបំណងធ្វើការ
ផ្លាស់ប្តូរពិតប្រាកដទេ ក្រៅពីបង្គ្រប់កៅអី និងបង្គ្រប់ងារជាឯកឧត្ដមតែប៉ុណ្ណោះ។

មិនយូរទេ ហ៊ុនសែននិងកំចាយចោលទាំងអស់ហ្នឹង!

Anonymous said...

Som Ransey has been make these people sorrow and fell bad,they hope going to change now they fell empty nothing. What are you going to do next?KRANHUN EASAN.

Anonymous said...


12:54 AM


ឣា សាំញែ ហ្ឣែងនិយាយដដែលៗ គ្នានបានការ។

Anonymous said...

WAKE UP...WAKE UP...WAKE UP.

ខ្មែរមួយចំនួនខ្លះបានដឹងជាមុនហើយថា មិនយូរទេពួក
សម រង្ស៊ី និង កឹមសុខា នេះនិង
ដល់ពេលចូលក្នុង បន្ទប់ចរចារបែងចែកអំណាចនិងកៅអីអង្គុយហើយ .....

ហ៊ុន សែន ធ្លាប់ចង្អុលសួរ សម រង្ស៊ី ថា

៥៥ យកមិនយក? សម រង្ស៊ី យក សម្តេច
៥៥ យកមិនយក? សម រង្ស៊ី យក សម្តេច
៥៥ យកមិនយក? សម រង្ស៊ី យក សម្តេច
ពិតណាស់!
ពិតជាអស្ចារ្យណាស់!

សម រង្ស៊ី ជាមេដឹកនាំមហាបាតុកម្មបង្គ្រប់កិច្ចមែន....

អញ្ចឹងការសង្ឃឹមអំពីជ័យជម្នៈរបស់ពលរដ្ឋលើគណបក្សសង្គ្រោះជាតិ
គឺជាការសង្ឃឹមខ្យល់លើមេឃតែប៉ុណ្ណោះ!
ពួកនេះសុទ្ធតែជាពួកកាន់មាត់បាវអោយចោរ
និងជាអ្នកជួយទប់ជើងគ្រែអោយអា ហ៊ុន សែន!
ហើយពួកប្រឆាំងផ្កាប់មុខទាំងនេះគឺគ្មានបំណងធ្វើការ
ផ្លាស់ប្តូរពិតប្រាកដទេ ក្រៅពីបង្គ្រប់កៅអី និងបង្គ្រប់ងារជាឯកឧត្ដមតែប៉ុណ្ណោះ។

មិនយូរទេ ហ៊ុនសែននិងកំចាយចោលទាំងអស់ហ្នឹង!

Anonymous said...

7:19 AM
ឣាហ្ឣែង សាំញែ និយាយគ្នានបានការ។

Go fuck mi jendha...OK.

Anonymous said...

ប្រជាពលរដ្ឋកាន់តែដាក់ចិត្តដាក់កាយធ្វើពលិកម្ម គាំទ្រចំពោះគណបក្សសង្គ្រោះជាតិ សម្ពាធកាន់តែកើនឡើងចំពោះមេដឹកនាំ គណបក្សនេះ ក្នុងការរកដំណោះស្រាយ ឲ្យសមស្រប ជៀសវាងការអស់ជំនឿគាំទ្រ។ ខ្មែរតែអញ្ចឹង ពូកែណាស់ រឿងធ្ចើបាបតែគ្នាឯង ! យួននិងពួកបំរើសេវ៉ាវាកំពុងទះគូថសើច។

Anonymous said...

កុំភ្លេចថា គណបក្សប្រជាជនចាំតែដុតឲ្យខ្លោច រោចឲ្យឆៅ។ ពួកវាគ្មានបំណងល្អក្នុងដំណោះ ស្រាយបញ្ហាជាតិទេ វាចាំតែបំបែក បំផ្លាញ បង្ហិន បង្ហោច បំភ័យ បង្អើល បង្អាប់ បំរើមេវា !