Thursday, December 05, 2013

វៀតណាម​កាត់​ទោស​បុរស​ខ្មែរ​ម្នាក់​ឲ្យ​ជាប់​ពន្ធនាគារ​១៣​ឆ្នាំ


បណ្ដាញ​ផ្សព្វផ្សាយ​ព័ត៌មាន​វៀតណាម ឈ្មោះ តូយត្រែ ញូវ (Tuoitre News) បាន​អោយ​ដឹង​នៅ​ថ្ងៃ​ព្រហស្បតិ៍ នេះ​ថា តុលាការ​ប្រជាជន​វៀតណាម ខេត្ត​តៃនិញ (Tay Ninh) ដែល​មាន​ព្រំ​ប្រទល់​ជាប់​នឹង​ខេត្ត​ស្វាយរៀង របស់​ប្រទេស​កម្ពុជា បាន​កាត់​ទោស​បុរស​ខ្មែរ​ម្នាក់​អោយ​ជាប់​ពន្ធនាគារ​សរុប​ចំនួន ១៣​ឆ្នាំ ពី​បទ​ជួញ​ដូរ​គ្រឿន​ញៀន និង​អំពើ​ប្លន់។

ដោយ យាង សុជាមេត្តា RFA 2013-12-05

បុរស​ខ្មែរ​នោះ​មាន​ឈ្មោះ បន សូលីម (Bon SoLim) អាយុ ២៨​ឆ្នាំ ត្រូវ​បាន​តុលាការ​វៀតណាម ធ្វើ​ការ​ជំនុំ​ជម្រះ​កាល​ពី​ថ្ងៃ​ទី​៤ ខែ​ធ្នូ ហើយ​ត្រូវ​បាន​ផ្ដន្ទាទោស​អោយ​ជាប់​ពន្ធនាគារ ៨​ឆ្នាំ ពី​បទ​ជួញ​ដូរ​គ្រឿង​ញៀន និង ៥​ឆ្នាំ​ទៀត​ពី​បទ​ប្លន់។

បណ្ដាញ​ផ្សព្វផ្សាយ តូយត្រែ ញូវ បាន​អោយ​ដឹង​បន្ថែម​ថា ប៉ូលិស​វៀតណាម ក្នុង​ស្រុក​តឹងចូវ ខេត្ត​តៃនិញ បាន​ចាប់​ខ្លួន លោក បន សូលីម នៅ​ពេល​ដែល​គាត់​កំពុង​លក់​ថ្នាំ​មេតំហ្វេតាមីន (Methamphetamine) ឬ​ម៉ា​ទឹកកក ឬ​ថ្នាំ​ឆ្កួត​ប្រមាណ​ជា ១​ក្រាម អោយ​អ្នក​ទិញ​ម្នាក់​នៅ​ឃុំ​តឹងដុង ហើយ​ដែល​ថ្នាំ​ញៀន​នោះ​ត្រូវ​បាន​គេ​សង្ស័យ​ថា លោក សូលីម នាំ​យក​ទៅ​ពី​កម្ពុជា។ លោក បន សូលីម ក៏​បាន​សារភាព​ថា គាត់​ធ្លាប់​បាន​ប្លន់​ម៉ូតូ​ស្ត្រី​ជនជាតិ​វៀតណាម ម្នាក់​នៅ​ស្រុក​តឹងចូវ កាល​ពី​ខែ​មិថុនា ឆ្នាំ​២០១៣។

ក្រៅ​ពី​កាត់​ទោស​អោយ​ជាប់​ពន្ធនាគារ​រយៈពេល ១៣​ឆ្នាំ តុលាការ​វៀតណាម ក៏​បាន​តម្រូវ​អោយ លោក សូលីម ផ្តល់​សំណង​អោយ​ស្ត្រី​ជនជាតិ​វៀតណាម ដែល​ជា​ម្ចាស់​ម៉ូតូ​ប្រមាណ ១៦​លាន​ដុង ស្មើ​នឹង​ប្រមាណ ៨០០​ដុល្លារ​អាមេរិក៕

2 comments:

Anonymous said...

នៅសុ្រកខ្មែរមានជនជាតិយួនជាប់គុកចំនួន១៥ឆ្នាំដែរឬទេ?

ខ្ញុំចង់ដឹង ព្រោះមិនដែលឮសោះ

Anonymous said...

HUN SEN is controlled by Vietnamese governor, as long as HUN SEN will stay on the power, Cambodian will be controlled by Vietnamese and if all Cambodian wish to have their right, freedom, justice, democracy and good for living in the future all Cambodia must stand up to overthrow HUN SEN from the power now otherwise it will be too late