ករណីលោកគង់ គៀត ឆ្លុះបញ្ចាំងពីការឈ្នះឆ្នោតរបស់បក្សប្រជាជន ដោយក្លែងបន្លំ
Thursday, 03 November 2011 12:01
សម រង្ស៊ី (សមាជិកសភា ជាប់ឆ្នោត)
The Phnom Penh Post
នៅក្នុងអត្តបទចុះថ្ងៃទី ១ វិច្ឆិកា ដែលមានចំណងជើងថា «ការសុំសិទ្ធិជ្រកកោនរបស់សមរង្ស៊ី» អគ្គលេខាធិការនៃគណៈកម្មាធិការជាតិរៀបចំការបោះឆ្នោត (គជប) បានថ្លែងថា លោកមិនដឹងអំពីពាក្យបណ្តឹង ដែលគណបក្សសមរង្ស៊ី ដាក់ប្តឹងគណបក្សប្រជាជនកម្ពុជា ភ្លាមៗ បន្ទាប់ពីការបោះឆ្នោតជាតិថ្ងៃទី ២៧ ខែកក្កដា ឆ្នាំ ២០០៨ នោះទេ។
គណបក្សសមរង្ស៊ីបានចោទគណបក្សប្រជាជនកម្ពុជា ពីបទក្លែងបន្លំ ពាក់ព័ន្ធនឹងឯកសារអត្តសញ្ញាណប័ណ្ណក្លែងក្លាយមួយ ហៅទម្រង់ ១០១៨ ធ្វើឡើងដោយលោក សួស សារិន ចៅសង្កាត់បឹងទំពុន នៅក្នុងខណ្ឌមានជ័យ រាជធានីភ្នំពេញ ទៅឲ្យអ្នកបោះឆ្នោតខុសច្បាប់ម្នាក់ ឈ្មោះ គង់ គៀត។
ក្រោមសម្ពាធពីគណបក្សប្រជាជនកម្ពុជា លោក គង់ គៀត បានបោះឆ្នោតទាំងក្លែងបន្លំ ឲ្យគណបក្សប្រជាជន ប៉ុន្តែភ្លាមៗនោះ គាត់បានមកជួបខ្ញុំ បង្ហាញការពិត ហើយបានប្រកាសអំពីការក្លែងបន្លំការបោះឆ្នោត រៀបចំឡើងដោយគណបក្សប្រជាជនកម្ពុជា។
គ្រាន់តែភ្លាមៗ បន្ទាប់ពីការសម្រេចចិត្តយ៉ាងក្លាហានរបស់គាត់ ធ្វើជាសាក្សី ប្រឆាំងនឹងគណបក្សប្រជាជនកម្ពុជា លោក គង់ គៀត បានគេចខ្លួនពីការចាប់ខ្លួនដោយនគរបាល ហើយបានបង្ខំចិត្តរត់ទៅលាក់ខ្លួនអស់រយៈពេលជាង ៣ ឆ្នាំ។ គាត់ត្រូវបានផ្តល់ឲ្យនូវសិទ្ធិជ្រោកកោននយោបាយ ក្នុងសហអាមេរិក ទើបតែកាលពីសប្តាហ៍មុន ហើយឥឡូវនេះ គាត់រស់នៅ North Carolina ជាមួយភរិយារបស់គាត់ នឹងកូនបីនាក់។
ខ្ញុំសូមបញ្ជាក់ថា គណបក្សសមរង្ស៊ី បានដាក់ពាក្យបណ្តឹងព្រហ្មទណ្ឌ ទៅលើគណបក្សប្រជាជនកម្ពុជា មិនត្រឹមតែទៅគណៈកម្មាធិការជាតិរៀបចំការបោះឆ្នោត (គ.ជ.ប) ទេ ប៉ុន្តែថែមទាំងទៅសាលាដំបូងរាជធានីភ្នំពេញ (ភ្ជាប់មកជាមួយនេះគឺជាបណ្តឹងផ្លូវច្បាប់ របស់គណបក្សសមរង្ស៊ី ចុះថ្ងៃទី ២៥ សីហា ឆ្នាំ ២០០៨)។
ករណីរបស់លោក គង់ គៀត មិនមែនជារឿងដាច់ដោយឡែកតែមួយនោះទេ ប៉ុន្តែឆ្លុះបញ្ចាំងអំពីគំរូនៃការក្លែងបន្លំការបោះឆ្នោតធំមួយ ដែលរួមចំណែក ទៅនឹងជ័យជម្នះទូទាំងប្រទេស របស់គណបក្សប្រជាជនកម្ពុជា ក្នុងឆ្នាំ ២០០៨។ ម្យ៉ាងវិញទៀត នេះគឺ«ជាជោគជ័យគួរឲ្យភ្ញាក់ផ្អើលមួយ» ដែលទទួលបានយ៉ាងធំ តាមរយៈឈ្មោះខ្មោចច្រើនរាប់មិនអស់ នៅលើបញ្ជីអ្នកបោះឆ្នោត ដែលគ្រប់គ្រងដោយគណបក្សប្រជាជនកម្ពុជា ហើយមួយវិញទៀត ឯកសារអត្តសញ្ញាណប័ណ្ណក្លែងក្លាយមួយ ហៅទម្រង់ ១០១៨ បានប្រើឈ្មោះខ្មោចខាងលើ ធ្វើឡើងដោយគណបក្សប្រជាជនកម្ពុជា ផ្តល់ទៅអ្នកបោះឆ្នោតខុសច្បាប់រាប់មិនអស់។ ដើម្បីបង្ហាញអំពីគំរូក្លែងបន្លំនោះ ខ្ញុំបានដាក់ទុកជាឯកសារ លើករណីរាប់មិនអស់ទូទាំងប្រទេសស្រដៀងគ្នានឹងករណីរបស់លោក គង់ គៀត ហើយបានបង្ហាញករណីទាំងនេះ នៅ http://tinyurl.com/4272v3e។
ក្នុងអំឡុងពេល និងបន្ទាប់ពីយុទ្ធនាការបោះឆ្នោតឆ្នាំ២០០៨ ខ្ញុំបានជួបជាមួយក្រុមអ្នកសង្កេតការណ៍ឯករាជ្យជាច្រើន ជាពិសេស អ្នកដែលមកពីសហភាពអឺរ៉ុប (EU) ហើយបានទាញចំណាប់អារម្មណ៍របស់ពួកគេ ទៅលើទម្រង់នៃការក្លែងបន្លំការបោះឆ្នោតនេះ ដែលប្រើទម្រង់១០១៨។ ខ្ញុំមានសេចក្តីដឹងគុណ ដែលនៅទីបំផុត បានអាននៅក្នុងរបាយការណ៍ចុងក្រោយ នៃបេសកកម្មក្រុមសង្កេតការណ៍ការបោះឆ្នោត របស់សហភាពអឺរ៉ុប (EU) មកកម្ពុជា បោះពុម្ពផ្សាយនៅថ្ងៃទី ១៣ ខែតុលា ឆ្នាំ២០០៨។ «អនុ-សាសន៍សំខាន់» ពីក្រុមអ្នកអង្កេតសហគន៍អឺរ៉ុប (EU) នេះគឺ៖ «ការប្រើទម្រង់ ១០១៨ គួរតែត្រូវលុបបំបាត់ មុនពេលការបោះឆ្នោតខាងមុខណាមួយ»។ សូមអានរបាយការណ៍សហភាពអឺរ៉ុបទាំងស្រុង នៅ http://tinyurl.com/3fgsnxa។
កំណត់សម្គាល់ចុងក្រោយ:
សាលាដំបូងរាជធានីភ្នំពេញ ក្រោមបញ្ជារបស់គណបក្សប្រជាជនកម្ពុជា មិនបានធ្វើអ្វីចំពោះពាក្យបណ្តឹងដែលរៀបរាប់ខាងលើ ពីបទក្លែងបន្លំ ដែលគណបក្សសមរង្ស៊ី បានដាក់ប្តឹងប្រឆាំងនឹងគណបក្សប្រជាជនកម្ពុជា នៅក្នុងឆ្នាំ ២០០៨ នោះទេ។
ពួកគេបានផ្អឹបចោល ហើយបំភ្លេចវា។ ប៉ុន្តែនៅពេលណាមានបណ្តឹងណាមួយ ដាក់ដោយគណបក្សប្រជាជនកម្ពុជា ប្រឆាំងមកលើរូបខ្ញុំ ដូចជាករណីមួយ ពីបទក្លែងបន្លំផងដែរនោះ ដែលរដ្ឋាភិបាលលោក ហ៊ុន សែន ដាក់ប្តឹងប្រឆាំងរូបខ្ញុំ កាលពីឆ្នាំ ២០០៩ ពីបទដាក់ផ្សាយ នៅលើអ៊ីនធឺណិត នូវផែនទីមួយ បង្កើតឡើង ដោយកងទ័ពអាមេរិក និងចេញផ្សាយ នៅលើវិបសាយអស់រយៈពេលជាយូរមកហើយនោះ សាលាដំបូងរាជធានីភ្នំពេញដដែលនេះ ខិតខំធ្វើការយ៉ាងលឿន ដើម្បីកាត់ទោសខ្ញុំ ហើយដាក់ទោសខ្ញុំ ឲ្យជាប់ពន្ធនាគារចំនួន ១០ ឆ្នាំ៕ PS
សម រង្ស៊ី (សមាជិកសភា ជាប់ឆ្នោត)
Subscribe to:
Post Comments (Atom)
No comments:
Post a Comment