អតីតព្រះមហាក្សត្រ យាងព្រះរាជដំណើរ ទៅព្យាបាល ព្រះរោគ នៅចិន [- ទៅហើយមកវិញ គេហៅថាអីចេះណ៎?]

Thursday, 19 January 2012
ដោយ អេង គឹមជាង​
DAP-News

Synopsis: The royal trinity - King-Father, Queen-Mother and Son-King - have left to Beijing once again on 19 Jan 2012. The trinity returned based on the advice of their Chinese doctors who have the ability and the means to provide them healthcare, unlike the poor Cambodian doctors whom poor Cambodians cannot even afford.

ភ្នំពេញ៖ សម្តេចឳ សម្តេចម៉ែ និងព្រះមហាក្សត្រ សម្តេចព្រះបរមនាថ នរោត្តម សីហមុនី បានយាងព្រះរាជដំណើរ ចេញពីមាតុប្រទេស ឆ្ពោះដំណើរទៅកាន់ ទីក្រុងប៉េងកាំង ប្រទេសចិន ដើម្បីព្យាបាលព្រះរោគ នៅថ្ងៃទី១៩ ខែមករា ឆ្នាំ២០១២នេះ។

ព្រះអង្គម្ចាស់ធម្មកោ លេខាផ្ទាល់របស់អតីតព្រះមហាក្សត្រ សម្តេចព្រះ នរោត្តម សីហនុ មានបន្ទូលថា ព្រះករុណា ទាំងបីព្រះអង្គ យាងទៅប្រទេសចិន តបតាមអនុសាសន៍របស់គ្រូពេទ្យចិន ដែលបានទូលយាងព្រះករុណា សម្តេច ឳ ដើម្បីឲ្យគ្រូពេទ្យចិន មានលទ្ធភាព និងសម្ភារៈ គ្រប់គ្រាន់ក្នុងការព្យាបាល ព្រះរោគថ្វាយព្រះអង្គ។


ព្រះអង្គម្ចាស់ធម្មកោ មានបន្ទូលថា ព្រះករុណាដែលមានព្រះជន្ម៩០ព្រះវស្សា បានមានព្រះរាជឱង្ការថា ព្រះអង្គ នឹងគង់ប្រថាប់នៅជាមួយកូនចៅ ចៅទូត របស់ព្រះអង្គ។ ព្រះរាជដំណើរលើកនេះ ធ្វើឡើងតាមការទូលរបស់ គ្រូ ពេទ្យចិន ព្រោះគ្រូពេទ្យចិនមិនអាចមកពិនិត្យព្រះរាជ្យ សុខភាពថ្វាយព្រះអង្គនៅព្រះរាជវាំង នាទីក្រុងភ្នំពេញ ហើយក៏មិនអាចយកឧបករណ៍សម្ភារៈពេទ្យមកបាននោះដែរ។

យ៉ាងណាក៏ដោយ ព្រះអង្គម្ចាស់ធម្មកោ មិនទាន់ដឹងថា តើពេលណាព្រះករុណាទាំងបីព្រះអង្គ នឹងត្រលប់មក វិញនៅពេលណានោះទេ៕