អាយ៉ងយួនខំលេងភ្លេងអារក្សទាក់ព្រលឹង "លោក [សម រង្ស៊ី] គួររកដំណោះ ស្រាយជាមួយ ខ្មែរគ្នាឯង ទើប ជារឿងត្រឹមត្រូវ ។"

វិចារណកថា៖ គ្មានលោក សម រង្ស៊ី ការបោះឆ្នោត មិនប្រជាធិបតេយ្យឬ ? (sic!)

Wednesday, 12 September 2012
DAP-News

ការដែលលោកសមរង្ស៊ី រំពឹងលើ សម្ពាធពី សហគមន៍ អន្ដរជាតិ ដើម្បី មានច្រក វិលត្រឡប់ ចូលស្រុកវិញ ដោយគ្មាន ទោសពៃរ៍ គឺជារឿង អត់ប្រយោជន៍ ដូច្នេះ លោកគួរ រកដំណោះ ស្រាយ ជាមួយ ខ្មែរគ្នាឯង ទើប ជារឿងត្រឹមត្រូវ ។

លោក សម រង្ស៊ី ប្រធានគណបក្ស សមរង្ស៊ី និង ជាប្រធានចលនា ប្រជាធិបតេយ្យ សង្គ្រោះជាតិ ហើយជា ប្រធានគណបក្សសង្គ្រោះជាតិផងនោះ បានប្រកាស កាលពីថ្ងៃទី១១ ខែកញ្ញា ឆ្នាំ២០១២ថា លោក នឹង អាច វិលត្រឡប់មកកាន់ប្រទេសកម្ពុជាវិញ ដោយគ្មានទោសពៃរ៍ នាពេលឆាប់ៗខាងមុខ ដើម្បីចូលរួម ក្នុងការបោះឆ្នោតជាតិអាណត្តិទី៥ ថ្ងៃទី២៨ ខែកក្កដា ឆ្នាំ២០១៣ ខាងមុខ ។លោក សម រង្ស៊ី អះអាងបែប នេះ តាមរយៈវីដេអូខុនហ្វ័ររិន ក្នុងពិធី សម្ពោធស្នាក់ការកណ្តាល គណបក្សសង្គ្រោះជាតិ នៅរសៀលថ្ងៃ ទី១១ ខែកញ្ញា ឆ្នាំ២០១២ ។ ក៏ប៉ុន្តែតាមពិនិត្យជាក់ស្តែង ពុំមាននរណា ហាមឃាត់លោក សម រង្ស៊ី មិនឲ្យ ចូលស្រុកនោះទេ គ្រាន់តែលោក មិនហ៊ានប្រឈមមុខជាមួយតុលាការ ដែលកាត់ទោសឲ្យ លោកជាប់ ពន្ធនាគារ រយៈពេល១២ឆ្នាំ តែប៉ុណ្ណោះ ។ ប្រសិនបើលោក សម រង្ស៊ី មានសេចក្តីក្លាហាន ក្នុងការ ប្រឈម មុខ ជាមួយតុលាការ គឺលោក ប្រហែលជាមិនរស់នៅក្នុងភាព និរទេសចាប់តាំងពីចុង ឆ្នាំ២០០៩ រហូតមកដល់សព្វថ្ងៃនេះឡើយ ។ ដូច្នេះ លោក សម រង្ស៊ី គួរទទួលរាល់ទង្វើ របស់ខ្លួន ជាជាងការទម្លាក់ កំហុសទៅលើអ្នកដទៃ ដើម្បីទាក់ទាញ ការគាំទ្រ ក្នុងប្រយោជន៍ នយោបាយ ដោយគ្មានសេចក្តីអៀន ខ្មាស តទៅទៀត ។

លោកសម រង្ស៊ី បានបញ្ជាក់ថា គណបក្សសង្គ្រោះជាតិ នឹងកើតចេញជារូបរាង ដើម្បីចូលរួម ប្រកួតប្រជែង ក្នុងការបោះឆ្នោតជាតិឆ្នាំ២០១៣ ជាមួយគណបក្សប្រជាជនកម្ពុជា ។ មេដឹក នាំគណបក្សប្រឆាំង រូបនេះ បានបញ្ជាក់ថា លោកអាចវិលមកកាន់ប្រទេសកម្ពុជាវិញ ដោយ គ្មានទោសពៃរ៍នាពេល ឆាប់ៗខាងមុខ ដើម្បី ចូលរួមក្នុងការបោះឆ្នោត ។ ចំណុចគួរឱ្យកត់ សម្គាល់នោះ លោក សម រង្ស៊ី បានឱ្យដឹងថា ពេលលោក ជួប ជាមួយ តំណាងអង្គការ សហប្រជាជាតិនិង សហគមន៍អន្ដរជាតិ គេបានសន្យាថា នឹងជួយឱ្យលោក វិល ត្រឡប់មក កាន់ប្រទេសកម្ពុជា និងជួយកែទម្រង់គណៈកម្មាធិការជាតិរៀបចំការបោះឆ្នោតផងដែរ។ លើសនេះទៅទៀត លោក សម រង្ស៊ី បានបញ្ជាក់ថា ប្រសិនបើគ្មានរូបលោកចូលរួមក្នុងការ បោះឆ្នោត ជាតិ អាណត្ដិទី៥ ថ្ងៃទី២៨ ខែកក្កដា ឆ្នាំ២០១៣ខាងមុខទេនោះ គឺការបោះឆ្នោត មិនស្របតាមគោល ការណ៍ប្រជាធិបតេយ្យ ហើយអន្ដរជាតិមិនទទួលស្គាល់រដ្ឋាភិបាល ដែល កើតចេញពីការបោះឆ្នោត មិនត្រឹមត្រូវនោះឡើយ ។


តបទៅនឹងការអះអាងរបស់លោក សម រង្ស៊ី ដូចខាងលើនេះ ក្រុមអ្នកវិភាគនយោបាយ មួយចំនួន បាន និយាយថា អ្វីដែលលោក សម រង្ស៊ី លើកឡើងអំពីអវត្ដមានរបស់លោក ធ្វើឱ្យ ការបោះឆ្នោត ប្រព្រឹត្ដ ទៅមិនប្រជាធិបតេយ្យ គឺជាការអះអាងផ្ទុយពីតថភាពតែប៉ុណ្ណោះ ។ ជាក់ស្ដែងការបោះឆ្នោត ជាតិឆ្នាំ ២០១៣ មានលោកសម រង្ស៊ី ចូលរួមក្នុងការបោះឆ្នោត យ៉ាងពេញលេញ ប៉ុន្ដែនៅទីបំផុត លោកសម រង្ស៊ី នៅតែរិះគន់ថា ការបោះឆ្នោះនោះ មិន ស្របតាមគោលការណ៍ប្រជាធិបតេយ្យ មិនត្រឹមត្រូវ មិនយុត្ដិធម៌ ។ ចំណែកលោកកឹម សុខា ក្នុងនាមជាប្រធានគណបក្សសិទ្ធិមនុស្ស ដែលបានចូលរួមក្នុងការបោះឆ្នោត ជាតិ ឆ្នាំ ២០០៨ ក៏រិះគន់ថា ការបោះឆ្នោតនោះ មិនប្រព្រឹត្ដទៅស្របតាមគោលការណ៍ប្រជាធិប តេយ្យ ដែរ ។ ដូច្នេះការបោះឆ្នោតប្រជាធិបតេយ្យ ឬមិនប្រជាធិបតេយ្យ អាស្រ័យលើ លោកសម រង្ស៊ី និង លោកកឹម សុខា ជាអ្នកនិយាយ បើទោះបីជាការបោះឆ្នោតប្រព្រឹត្ដទៅ ដោយរលូន ហើយមានការទទួល ស្គាល់ ពីអ្នកសង្កេតការណ៍អន្ដរជាតិក៏ដោយ ។

អ្នកនយោបាយជើងចាស់មួយចំនួន បានវាយតម្លៃថា បើទោះបីនៅក្នុងការបោះឆ្នោត ជាតិ ឆ្នាំ២០១៣ ពុំមានវត្ដមានលោកសម រង្ស៊ី ចូលរួម ក៏ការបោះឆ្នោតនោះ នៅតែប្រព្រឹត្ដ ស្របតាមលក្ខណៈប្រជាធិប តេយ្យ ដដែល ព្រោះមានគណបក្សជាច្រើនចូលរួម ហើយប្រជា ពលរដ្ឋទៅបោះឆ្នោតជ្រើសរើស មេដឹក នាំតាមឆន្ទៈរបស់ខ្លួន ។ ប្រការដែលសំខាន់នៅពេល នេះ គឺលោកសម រង្ស៊ី ត្រូវរកច្រកវិលត្រឡប់ ចូលស្រុកវិញឱ្យបានឆាប់ ដើម្បីដឹកនាំគណ បក្សសង្គ្រោះជាតិ ចូលរួមក្នុងការបោះឆ្នោតឆ្នាំ ២០១៣ ខាងមុខ ។ ការដែលលោកសមរង្ស៊ី រំពឹងលើសម្ពាធពីសហគមន៍អន្ដរជាតិ ដើម្បីមានច្រក វិលត្រឡប់ ចូលស្រុកវិញ ដោយគ្មាន ទោសពៃរ៍ គឺជារឿងអត់ប្រយោជន៍ ដូច្នេះ លោកគួររកដំណោះ ស្រាយជាមួយ ខ្មែរគ្នាឯង ទើប ជារឿងត្រឹមត្រូវ ។ ជាក់ស្ដែងក្នុងពិធីសម្ពោធស្នាក់ការកណ្ដាល គណបក្សសង្គ្រោះជាតិ កាលពីរសៀលថ្ងៃទី១១ ខែកញ្ញា ឆ្នាំ២០១២ លោកសម រង្ស៊ី បាននិយាយខ្លួនឯងថា គណ បក្សសង្គ្រោះ ជាតិ មិនចាត់ទុកខ្មែរណាជាសត្រូវទេ គឺខ្មែរទាំងអស់ជាមហាគ្រួសារតែមួយ ត្រូវរួមគ្នាបម្រើនិង ការពារ ផល ប្រយោជន៍ជាតិ ការពារបូរណភាពទឹកដី ។

អ្នកវិភាគនយោបាយបានវាយតម្លៃ បើទោះបីគណបក្សសមរង្ស៊ី និងគណបក្សសិទ្ធិ មនុស្ស រួមគ្នាបង្កើត ជាគណបក្សសង្គ្រោះជាតិ ដើម្បីចូលរួមប្រកួតប្រជែងជាមួយគណបក្ស ប្រជាជនកម្ពុជា នៅឆ្នាំ២០១៣ ខាងមុខក៏ដោយ ក៏គណបក្សថ្មីនេះ មិនអាចយកប្រៀបលើ គណបក្សប្រជាជនកម្ពុជាបានឡើយ ។ ដោយហេតុថា អ្នកគាំទ្រគណបក្សសង្គ្រោះជាតិ ពុំ មាននរណាផ្សេង ក្រៅពីអ្នកធ្លាប់គាំទ្រគណបក្ស សមរង្ស៊ី និងគណបក្សសិទ្ធិមនុស្សនាពេល កន្លងមកនោះទេ ហើយការចូលរួមពីសមាជិក គណបក្ស ផ្សេងៗ គឺមានកម្រិតតិចតួចបំផុត។ លើសនេះទៅទៀត កិច្ចខិតខំប្រឹងប្រែងស្វែងរកការ គាំទ្រពីជន រួមជាតិខ្មែរ នៅក្រៅប្រទេស នោះ ហាក់ដូចជាពុំមានអ្វីគួរកត់សម្គាល់ឡើយ ព្រោះជនរួមជាតិខ្មែរ នៅក្រៅ ប្រទេស ហាក់ ដូចជាមិនចាប់អារម្មណ៍ ចំពោះចលនាប្រជាធិបតេយ្យសង្គ្រោះជាតិ និងគណបក្សសង្គ្រោះ ជាតិទេ ព្រោះគេបានដឹងពីចរិតរបស់លោកសម រង្ស៊ី និងលោកកឹម សុខា យ៉ាងច្បាស់រួច ទៅហើយ ។ បើទោះបីលោកកឹម សុខា និងលោក សម រង្ស៊ី អះអាងអំពីភាពស្មោះត្រង់ ជាមួយគ្នាយ៉ាងណាក៏ដោយ ក៏ក្រុមអ្នកវិភាគនយោបាយ វាយតម្លៃថា មេដឹកនាំគណបក្ស ប្រឆាំងទាំងពីរនេះ កំពុងលេងល្បែងនយោ បាយ បោកប្រាស់គ្នាទៅវិញ ទៅមក ដើម្បីផល ប្រយោជន៍រៀងៗខ្លួន តែប៉ុណ្ណោះ ៕